ޒުވާނުންގެ ހިތްތަކުގައި އިސްލާމްދީނަށް އޮތް ލޯބި އިތުރުކުރަންޖެހޭ: ރައީސް
23 ޖެނުއަރީ 2015 1:58
ޒުވާނުންގެ ހިތްތަކުގައި އިސްލާމް ދީނަށް އޮތް ލޯބި އިތުރުކުރަންޖެހޭ ކަމަށް ރައީސުލްޖުމްހޫރިއްޔާ އަބްދުﷲ ޔާމިން ވިދާޅުވެއްޖެއެވެ.
ރާއްޖެ އިސްލާމްވި ދުވަހުގެ މުނާސަބަތުގައި ރައީސުލްޖުމްހޫރިއްޔާ ދެއްވި ހިތާބުގައި ވިދާޅުވެފައިވަނީ، އެމަނިކުފާން ވިދާޅުވެފައި ވަނީ ދީނީ ހޭލުންތެރިކަން އިތުރު ކުރުމަށާއި ދީނީ ފަރުޟުތަކަށް ރައްކާތެރިވުމުގެ މުހިންމުކަން ހަނދާނަށް ގެންނަން ޖެހޭއިރު ޅަދަރިންގެ ހިތްތަކުގަޔާއި ޒުވާނުންގެ ހިތްތަކުގައި މާތްވެގެންވާ އިސްލާމްދީނަށް އޮންނަންވާ ލޯތްބާއި އިޙްތިރާމް އިތުރުކުރުމަށް މަސައްކަތް ކުރުމަކީ ކަމާބެހޭ ހުރިހާ މުއައްސަސާތަކެއްގެ މުހިންމު ޒިންމާއެއް ކަމަށް ގަބޫލުކުރައްވާ ކަމަށެވެ. އަދި ރާއްޖެ އިސްލާމްވި ދުވަހުގެ ޒިކުރާ އާ ކުރަމުންދާއިރު، މުޖުތަމައުގައި ދީނީ ހޭލުންތެރިކަން އިތުރުކުރުމާއި ދީނީ ފަރުޟުތަކަށް ރައްކާތެރިވުމުގެ މުހިންމުކަން ހަނދާނަށް ގެންނަން ޖެހޭކަމަށް ވެސް ވިދާޅުވިއެވެ.
އެހެންކަމުން، ކަމާބެހޭ އެންމެހައި މުއައްސަސާތަކުން އެކި އުމުރުފުރާ އަށް އަމާޒުކުރައްވައި، މިފަދަ ހާއްސަ ދީނީ ޕްރޮގްރާމްތަކެއް ހިންގަވައި ދެއްވުމަށް، މި މުނާސަބަތުގައި އަޅުގަނޑު އިލްތިމާސް ކުރަމެވެ،" ރައީސްގެ ހިތާބުގައި ވިދާޅުވެފައިވެއެވެ.
ރާއްޖޭގައި އެހެން ދީންތައް ފެތުރުމަށް މަސައްކަތްތައް ކުރާ ފަރާތްތަކަށް އެ ފުރުސަތު ނުދެއްވުމަށްވެސް ރައީސް ޔާމިން ވަނީ އިލްތިމާސް ކުރައްވައިފައެވެ.
ކިޔުންތެރިންގެ ހިޔާލު