ސަރުކާރުގެ މިސްރާބު ހުވީ ވެއްޓުމަކާ ދިމާލަށް: ރައީސް ނަޝީދު

ސަރުކާރުގެ މިސްރާބު ހުރީ "ފިޔަވަޅަކަށް ފަހު ފިޔަވަޅެއް" އެމްޑީޕީގެ ވެރިކަން ވެއްޓުނުގޮތަށް ވެރިކަން ވެއްޓުމާ ދިމާލަށް ކަމަށް އިދިކޮޅު ލީޑަރު ރައީސް މުހައްމަދު ނަޝީދު ވިދާޅުވެއްޖެއެވެ.

ބޫދާބީ އަށް ކުރެއްވި ދަތުރުފު ނިންމަވާލެއްވުމަށްފަހު، އަލުން އެނބުރި ރާއްޖެ ވަޑައިގެން މީޑިއާއި ބައްދަލު ކުރައްވައި ރައީސް ނަޝީދު ވިދާޅުވީ، އެމިނިކުފާނުގެ ވެރިކަން ނިމިގެން ދިޔަގޮތް ރައީސުލްޖުމްހޫރިއްޔާ އަބްދުﷲ ޔާމީނަށް އެހގިލައްވާނެކަމަށެވެ. އަދި މިހާރު ސަރުކާރުގެ މިސްރާބު ވެސް ހުރީ އެމަގުންކަމަށެވެ. 

"އަޅުގަނޑުމެންގެ ވެރިކަން ވެއްޓެން ދިމާވިގޮތް ވަރަށް ރަނގަޅަށް ރައީސް ޔާމީނަށް އެނގިލައްވާނެ. ހާރު ފެންނަމުންދަނީ ފިޔަވަޅަކުން ފިޔަވަޅަކުން ހަމަ ސީދާ އެ މަންޒަރު،" ރައީސް ނަޝީދު ވިދާޅުވިއެވެ. 

އެމަނިކުފާނު ވިދާޅުވީ، ރާއްޖެ ހަމަނުޖެހުމެއްގެ ތެރެއަށް ދިިއުމަކަށް އެދި ނުލައްވާކަމަށެވެ. އެހެންކަމުން ސަރުކާރަށް މިވަގުތުއޮތް އެންމެ ރަނގަޅު ގޮތަކީ ސިޔާސީ އިސްވެރިންނާ މަޝްވަރަކުރައްވައިގެން ކުރިއަށް ދިއުންކަމަށެވެ. އަދި ގާނޫނު އަސާސީއަށް އިސްލާހު ގެނައުމަށް އެދިލައްވާނަމަ ސިޔާސީ ފަރާތްތަކާ މަޝްވަރާކުރެއްވުމަށްފަހު އެ ބަދަލުތައް ގެނައުމަށް ވެސް ރައީސް ނަޝީދު ވަނީ އެދިލައްވައިފައެވެ. 

"ގާނޫނު އަސާސީ އަށް ގެންނަންޖެހިވަޑައިގަންނަވާ ބަދަލެއް، އަދި އަޅުގަނޑުމެން ދެކިގެން އަޅުގަނޑުމެން ގެންނަން އެދޭ ބަދަލެއް ގެންނެވުން. އަދި އެނޫން ކަންކަމަށް ވެސް ގެންނަން ޖެހިވަޑައިގަންނަވާ ބަދަލު އަވަހަށް ގެންނެވުން،" ރައީސް ނަޝީދު ވިދާޅުވިއެވެ. 

ރާއްޖޭގައި ހަމަޖެހުން ގާއިމުކުރުމަށް އެމްޑީޕީން ތައްޔާރަށް އޮތް ނަމަވެސް، ޑިމޮކްރަސީގެ ހިމާޔަތުގައި އެޕާޓީން ނުކުންނާނެކަމަށް ވެސް ރައީސް ނަޝީދު ވިދާޅުވިއެވެ.