ޑިފެންސް މިނިސްޓަރުކަމަށް މޫސާ ޖަލީލު އައްޔަނުކުރައްވައިފި
20 ޖެނުއަރީ 2015 15:41
ޑިފެންސް މިނިސްޓަރުކަމުގެ މަގާމުގައި ހުންނެވި މުހައްމަދު ނާޒިމް ވަކިކުރެއްވުމަށްފަހު އެ މަގާމަށް މޫސާ ޖަލީލު އައްޔަނު އައްޔަނުކުރައްވައިފިއެވެ.
ނާޒިމް މަގާމުން ދުރުކުރައްވާފައިވަނީ އޭނާއާ ގުޅޭގޮތުން ބަލަމުން އަންނަ މައްސަލައަކާގުޅިގެންކަމަށް ރައީސް އޮފީހުން ބުނެއެވެ.
މޫސާ ޖަލީލަކީ ކުރީގެ ޗީފް އޮފް ޑިފެންސް ފޯސްގެ މަގާމުވެސް ފުރުއްވާފައިވާ ބޭފުޅުކެވެ.
ނާޒިމް މަގާމުން ދުރުކުރައްވާފައިވާއިރު، އާދިއްތަ ވިލޭރޭ ފުލުހުން ވަނީ، އޭނާ ދިރިއުޅުއްވާގެއަށް ވަދެ އެގެއިން ބައެއްތަކެތި ގެންގޮސްފައެވެ. އެގެއަށް ފުލުހުން ވަދެފައިވަނީ "ޓެރަރިޒަމް" ގެ ތުހުމަތުގައި ކަމަށް ބައެއް މީޑިއާތަކުގައި ރިޕޯޓުކޮށްފައިވެއެވެ. އަދި އެގެއިން ފިސްތޯލެއް ނުވަތަ ދެ ފިސްތޯލު ފެނިފައިވާކަމަށް ވެސް މީޑިއާ ރިޕޯޓުތައް ބުނެއެވެ. އެހެން ނަމަވެސް އެކަމާ ގުޅޭ އިތުރު އެއްވެސް މައުލޫމާތެއް އަދި ފުލުހުން ހާމައެއް ނުކުރެއެވެ.
ކިޔުންތެރިންގެ ހިޔާލު