މަސްތުވާ ތަކެތީގެ ބޮޑެއްގެ ގޮތުގައި ފުލުހުން ލޭބަލްކޮށްފައިވާ ޝަފާޒު މިނިވަންކޮށްފި
19 ޖެނުއަރީ 2015 11:55
މަސްތުވާތަކެތީގެ ބޮޑެއްގެ ގޮތުގައި މޯލްޑިވިސް ޕޮލިސް ސާވިސް އިން ލޭބަލް ކޮށްފައިވާ މ. ލޮނުމިދިލިގޭ އިބްރާހިމް ޝަފާޒް އަބްދުއްރައްޒާގު ގެ ހުކުމް ހައިކޯޓުން ބާތިލުކޮށް އެނާ މިނިވަންކޮށްފިއެވެ.
ހައިކޯޓުން މިއަދު ޝާފާޒު މިނިވަން ކުރި އިރު އޭނާގެ މައްޗަށް ކުރިމިނަލް ކޯޓުން ވަނީ 18 އަހަރުގެ ޖަލު ހުކުމެއް އިއްވައިފައެވެ. އެ މައްސަލަ ހައި ކޯޓުގައި އިސްތިއުނާފު ކޮށްފައިވަނީ އޭނާގެ ގާނޫނީ ވަކީލުންނެވެ.
ފުލުހުން ހިންގި އޮޕަރޭޝަނެއްގައި އޭނާ އަތުލައިގަނެފައިވަނީ 2011 ވަނަ އަހަރުއެވެ. އޭނާ ހައްޔަރުކުރީ 800 ގުރާމުގެ މަސްތުވާތަކެއްޗާއިއެކުއެވެ. އެނާ އާއިއެކު، އިތުރު ބަޔަކު ވެސް އަތުލައިގަތެވެ. ފުލުހުން ބުނެފައިވަނީ އޭނާ އަކީ 2006 ވަނަ އަހަރުން ފެށިގެން ހިނގާ މަސްތުވާތަކެތީގެ ނެޓުވޯކެއްގެ އެންމެ އިސް މީހާކަމަށެވެ. އެ ނެޓުވޯކުން ރާއްޖެއަށް މަސްތުވާތެކެތި އެތެރެކުރާކަމަށް ވެސް ފުލުހުން ބުނެފައިވެއެވެ.
ކިޔުންތެރިންގެ ހިޔާލު