ރައީސް ނަޝީދު ޔޫއޭއީއަށް ފުރާވަޑައިގެންފި

ޔުނައިޓެޑް އެމިރޭޓްސް (ޔޫއޭއީ)ގެ ރައީސް ހަލީފާ ބިން ޒައިދް އަލް-ނަހްޔާންގެ "ޒައިދް ފައުންޑޭޝަނުން" ބާއްވާ ޒައިދް ފިއުޗާ އެނާރޖީ އިނާމް ދިނުގެ ހަފްލާގައި ބައިވެރިވެވަޑައި ގަތުމަށްޓަކައި ރާއްޖޭގެ ކުރީގެ ރައީސް އަދި އެމްޑީޕީގެ ރައީސް މުހައްމަދު ނަޝީދު މިރޭ ޔޫއޭއީ ފުރާ ވަޑައިގެންފިއެވެ.

މާދަމާ ރޭ ބޭއްވުމަށް ހަމަޖެހިފައިވާ މިހަފްލާގައި ބައިވެރިވުމަށް ރައީސް ނަޝީދާއެކު އައްޑޫ ސިޓީގެ މޭޔަރު އަބްދުﷲ ސާދިގްވެސް ވަޑައިގެންނެވިއެވެ.

މިހަފްލާގައި އައްޑޫ ސިޓީ ހައި-ސްކޫލަށް ޒައިދް ފިއުޗާ އެނާރޖީ އިނާމެއް ދިނުމަށް ވަނީ ހަމަޖެހިފައެވެ. މިހަފްލާ ބޭއްވުމަށް ހަމަޖެހިފައި ވަނީ ޔޫއޭއީގެ ވެރިރަށް އަބޫދާބީގައެވެ.