ޑިފެންސް މިނިސްޓަރ ނާޒިމް ދިރިއުޅުއްވާ އެޕާޓުމަންޓު ބަލައި ފާސްކޮށްފި
17 ޖެނުއަރީ 2015 19:00
"ހަތިޔާރާ ގޮވާތަކެތި" ގެންގުޅުނުކަމުގެ ތުހުމަތުގައި ޑިފެންސް މިނިސްޓަރ މުހައްމަދު ނާޒިމް ދިރިއުޅުއްވާ އެޕާޓުމަންޓު ރޭ ދަންވަރު ބަލައި ފާސްކޮށްފިއެވެ.
ނާޒިމް ދިރިއުޅުއްވާ އެ ޕާޓު މަންޓު ބަލައި ފާސްކޮށްފައިވަނީ "ހަތިޔާރާ ގޮވާތަކެތި" ގެންގުޅޭ ކަމުގެ ތުހުމަތުގައި ކަމަށް ބައެއް މީޑިއާތަކުގައި ރިޕޯޓުކޮށްފައިވީނަމަވެސް، އަދިވެސް އެ އެކަމަށް ރަސްމީ ބަހެއް ނުލިބެއެވެ.
ފުލުހުން ޑިފެންސް މިނިސްޓަރު ދިރިއުޅުއްވާގެކޮޅު ބަލައި ފާސްކޮށްފައިވަނީ ކޯޓު އަމުރެއްގެ ދަށުންންނެވެ. ނާޒިމް ދިރިއުޅުއްވާ އެޕާޓުމަންޓު ދެ ގަޑީރު ވަންދެން ބަލައި ފާސްކުރުމަށްފަހު، ފޮށިގަނޑުތަކެއް ގެންދިޔަ މަންޒަރު ބައެއް މީހުންނަށް ފެނިފައިވެއެވެ.
މި މައްސަލައިގައި ރައީސް އޮފީހުގެ ތަރުޖަމާނު އިބްރާހިމް މުއާޒު ވިދާޅުވެފައިވަނީ، އެކަން ކޮށްފައިވާގޮތެއް އެންގޭނީ ފުލުހުންނަށް ކަމަށެވެ. މި ސަރުކާރުގައި ފުލުހުންގެ މުއައްސަސާއަކީ މިނިވަން މުއައްސަސާއެއްކަމުން އެފަދަ ކަންކަމާ ސަރުކާރުން ނުބެހޭނެކަމަށް ވެސް އޭނާ ވިދާޅުވިއެވެ.
ކިޔުންތެރިންގެ ހިޔާލު