އިތުރު ތިން ރަށެއްގައި އެސްޓީއޯ ފާމަސީ ހުޅުވައިފި
11 ޖެނުއަރީ 2015 17:16
ތ. މަޑިފުށީގައި އެސްޓީއޯއިން ހުޅުވި ބޭސްފިހާރަ- ފޮޓޯ އެސްޓީއޯ
އެސްޓީއޯ ފާމަސީ އިތުރު ތިން ރަށެއްގައި ހުޅުވައިފި ކަމަށް އެކުންފުނިން ހާމަކުރައްވައިފިއެވެ.
އަލަށް ފާމަސީ ހުޅުވާފައިވަނީ ތ. މަޑިފުށްޓާއި، ޅ. ހިންނަވަރާއި، އއ. ފެރިދޫ ގައެވެ. މި ތިންރަށުގައިވެސް ފާމަސީ ހުޅުވާފައިވަނީ ޖަނަވަރީމަހު 10 ވަނަ ދުވަހުއެވެ.
މިތިން ފާމަސީންވެސް މިހާރު ދަނީ ޚިދުމަތް ދެމުންނެވެ. މިތިން ފާމަސީ ހުޅުވުމުން އެސްޓީއޯ ފާމަސީތަކުގެ އަދަދު މިހާރު ވަނީ ފަސްދޮޅަސް ހަޔަކަށް އިތުރުވެފައެވެ. މިއީ މީހުން ދިރިއުޅޭ ރާއްޖޭގެ ކޮންމެ ރަށެއްގައި އާސަންދައިގެ ދަށުން ހިދުމަތް ފޯރުކޮށްދޭ އެސްޓީއޯ ފާމަސީއެއް ގާއިމް ކުރުމަށް އެސްޓީއޯއާ ދިވެހި ސަރުކާރު ގުޅިގެން ކުރިއަށް ގެންދާ މަޝްރޫއުގެ ދަށުން ހުޅުވި 3 ފާމަސީއެވެ.
ފާމަސީތައް ހުޅުވުމުގައި ލޯކަލް ކައުންސިލް ތަކާއި ރަށްރަށުގެ ރައްޔިތުންގެ ފަރާތުން ވަރަށްބޮޑު އެއްބާރުލުން ލިބޭކަމަށް އެސްޓީއޯއިންވަނީ ހާމަކުރައްވާފައެވެ.
ކިޔުންތެރިންގެ ހިޔާލު