ޓީޗަރުންގެ މުސާރައަށް ގެނައި ބަދަލު އާންމުކޮށްފި

ސްކޫލްތަކުގެ ޓީޗަރުންގެ މުސާރައަށް ސަރުކާރުން ގެނައި ބަދަލު އާންމުކޮށްފިއެވެ.

މިމައުލޫމާތު އާންމުކޮށްފައިވަނީ އެޑިޔުކޭޝަން މިނިސްޓަރ ޑރ. ޢާއިޝަތު ޝިހާމާއި، އެމިނިސްޓްރީގެ އިސްވެރިންނެވެ. މި މައުލޫމާތު އާންމުކުރުމަށް ކުއްލިޔާގައި ބޭއްވި ބައްދަލުވުމުގައި ޓީޗަރުންވެސް ބައިވެރިވެފައިވެއެވެ.

މިބަދަލާއެކު ޑިގްރީ ފެންވަރުގެ ލީޑިން ޓީޗަރަކަށް 17374 ރުފިޔާ މިހާރު ލިބޭނެއެވެ. މާސްޓަރސް ފެންވަރުގެ ޓީޗަރަކަށް މިހާރު މަހު މުސާރައިގެ ގޮތުގައި ލިބޭ 12218.50 ރުފިޔާގެ ބަދަލުގައި އާ އޮނިގަނޑުގެ ދަށުން ލިބޭނީ 16374 ރުފިޔާ އެވެ.

ޑިގްރީ ފެންވަރުގެ ލީޑިން ޓީޗަރަކަށް ކުރިން ލިބެމުންއައީ 11238.50 ރުފިޔާއެވެ. އައު އޮނިގަނޑުގެ ދަށުން ލިބޭނީ 14894 ރުފިޔާއެވެ.

ބެޗްލާސް ފެންވަރުގެ ޓީޗަރަކަށް މިހާރު މަހު މުސާރައިގެ ގޮތުގައި ލިބޭ 10238.50 ރުފިޔާގެ ބަދަލުގައި އާ އޮނިގަނޑުގެ ދަށުން 13894 ރުފިޔާ ލިބޭނެއެވެ.

ޑިޕްލޮމާ ފެންވަރުގެ ޓީޗަރަކަށް މިހާރު މަހު މުސާރައިގެ ގޮތުގައި ލިބޭ 8671 ރުފިޔާގެ ބަދަލުގައި އާ އޮނިގަނޑުގެ ދަށުން 11337.5 ރުފިޔާއަށް މުސާރަ ލިބޭނެއެވެ.

މިބަދަލާއެކު އެވެރެޖުކޮށް ޓީޗަރުންގެ މުސާރަވަނީ 30 އިން ސައްތަ ބޮޑުކޮށްފައެވެ.