ޤަވާއިދާ ޚިލާފަށް ޕާކުކޮށްފައިވާ އުޅަނދުފަހަރު ނަގަން ފަަށައިފި
10 ޖެނުއަރީ 2015 14:10
މާލޭގެ މަގުތަކުގައި ޤަވާއިދާ ޚިލާފަށް ޕާކްކޮށްފައިވާ އުޅަނދުފަހަރާއި ގިނަ ދުވަސް ވަންދެން ބަހައްޓާފައިވާ އުޅަނދުތަފަހަރު މިއަދު ނަގަންފަށައިފި ކަމަށް ފުލުހުން ހާމަކޮށްފިއެވެ.
ފުލުހުންނާއި މިނިސްޓްރީ އޮފް ހައުސިންގެ އެންޑް އިންފްރާސްޓްރަކްޗަރ އާއި ޓްރާންސްޕޯޓް އޮތޯރިޓީ ގުޅިގެން ކުރިއަށް ގެންދާ ޕްރޮގްރާމުގެ ދަށުން، ރަޖިސްޓްރީ ނުކުރާ އުޅަނދުފަހަރާއި ބާވެ ހަލާކުވެފައިވާ އުޅަނދުފަހަރު މަގުތަކާއި ޕާކިންގ ޒޯންތަކުން ނަގަމުން ގެންދާނެއެވެ. މިކަން މިގޮތަށް ކުރަނީ މަގު ބޭނުންކުރާ ފަރާތްތަކަށްދަތިވަމުންދާ ކަމަށް ފުލުހުން ބުނެފައިވެއެވެ.
ފުލުހުން ބުނެފައިވަނީ ޤަވާއިދާ ޚިލާފަށް ޕާކުކުރުމުގެ މައްސަލަ މިހާރުވެސްވަނީ އިންތިހާއަށް ބޮޑުވެފައި ކަމަށެވެ. އެހެންކަމުން ޤަވާޢިދާ އެއްގޮތަށް ޕާކުކުރަން ބޭނުންވާ ފަރާތްތަކަށް ޕާކުކުރާނެ އިތުރު ޖާގަ މިޕްރޮގްރާމުގެ ދަށުން ލިބިދިނުމަށް މަސައްކަތް ކުރާނެ ކަމަށްވެސް ބުނެފައިވެއެވެ.
މިޕްރޮގްރާމުގެ ދަށުން ނަގާ އުޅަނދުފަހަރު ނަގައިގެން ގެންދިއުމުގައި ނުވަތަ ބަހައްޓާފައި ހުންނަ ހުރުމުގައި ލިބޭ ގެއްލުމަކަށް މޯލްޑިވްސް ޕޮލިސް ސަރވިސް ޒިންމާ ނުވާނެ ކަމަށް ފުލުހުން ހާމަކޮށްފައިވެއެވެ. އެފަދަ އުޅަނދުފަހަރަށް ދައްކަންޖެހޭ ޖޫރިމަނާ ދެއްކުމަށްފަހު، އަނބުރާ ގެންދިއުމުގެ އެންމެހާ ޚަރަދުތައްކޮށް އެކަމުގެ ޒިންމާ އުފުލަންޖެހޭނީވެސް އެ އުޅަނދުގެ ވެރިފަރާތުން ކަމަށްވެސް ބުނެފައިވެއެވެ.
ޤާނޫނާއި ޤަވާއިދާއި ޚިލާފަށް މަގުތަކުގައި ބަހައްޓާފައިވާ ވެހިކަލްތައް ނަގައި، ޤާނޫނާއި ޤާވާޢިދާއި އެއްގޮތަށް މަގުތައް ބޭނުންކުރުމަށް ހުރިހާ ފަރާތްތަކަށް ފުލުސް އޮފީހުންވަނީ އިލްތިމާސްކޮށްފައެވެ.
ކިޔުންތެރިންގެ ހިޔާލު