ޖިހާދަށް ދާ މީހުންނަށް ފުލުހުން ގެންދަނީ ފާރަލަމުން: ސީޕީ
9 ޖެނުއަރީ 2015 0:00
ޖިހާދަށްދާ ދިވެހިންނަށް މޯލްޑިވިސް ޕޮލިސް ސާވިސް އިން ފާރަލަމުން އަންނަކަމަށް ކޮމިޝަނަރ އޮފްލިސް (ސީޕީ) ހުސެން ވަހީދު ވިދާޅުވެއްޖެއެވެ.
މިއަދު އިސްކަންދަރު ކޮށީގައި ބޭއްވި ނޫސްވެރިންގެ ބައްދަލުވުމެއްގައި ވާހަކަ ދައްކަވަމުން ހުސެން ވަހީދު ވިދާޅުވީ، ރާއްޖެއިން ހަނގުރާމައަށް ދާނެ މީހުން ސީދާ ބުނަން ފުލުހުންނަށް އަދި ނޭގޭ ކަމަށެވެ. އެހެން ނަމަވެސް ހަނގުރާމައަށް ދާމީހުން ރާއްޖެއިން ބޭރަށްގޮސް ދީނީގޮތުން ހަރުކަށި ޖަމާއަތްތަކާ ގުޅުމުން އެމީހުންގެ ހަރަކާތްތަކަށް ފުލުހުން ފާރަލަމުން އަންނަކަމަށެވެ. އެފަދަ ޖަމާއަތަކުން ރާއްޖޭގައި ކަމެއް ނުހިންގޭނެ މިންވަރަށް އެމީހުންގެ ހަރަކާތްތައް މޮނިޓަރ ކުރަމުން އަންނަކަމަށް ވެސް ސީޕީ ވިދާޅުވިއެވެ.
ރާއްޖެއިން މިހާތަނަށް 50 މީހުން ޖިހާދަށް ގޮސްފައިވާކަމަށް ސީޕީ ވަހީދު ވިދާޅުވިއެވެ. އެއީ ރާއްޖެފަދަ އާބާދީ ކުޑަ ގައުމެއްގައި ނިސްބަތުން ބޮޑު އަދަދެއްކަމަށްވެސް އޭނާ ވިދާޅުވިއެވެ.
ދީނީގޮތުން ހަރުކަށި ހިޔާލުގެ މީހުންނާ ގޭންގުތަކުގެ މެމްބަރުންނާ އެކި ވަސީލަތްތައް މެދުވެރިކޮށް ގުޅުން ބަދަހިވަމުން އަންނަކަމަށެވެ.
ކިޔުންތެރިންގެ ހިޔާލު