ހައްޔަރު ކުރަން އުޅުމުން ފުލުހަކަށް ވަޅިން ހަމަލާދީ ޒަޚަމްކޮށްފި
7 ޖެނުއަރީ 2015 21:50
ފުލުސް މީހާއަށް ޚަމަލާ ދިނުމަށް ބޭނުން ކުރި ވަޅި - ފޮޓޯ: ވިލިމާލެ ޕޮލިސް
ފުލުހުސް މީހާ އަށް ތޫނު އެއްޗަކުން ހަމަލާ ދީފައި ވަނީ ވިލިމާލެ މަލްޓި ޕޮއިންޓް ފިހާރައިން ވައްކަން ކުރި މީހަކު ފުލުހުންގެ ބެލުމުގެ ދަށަށް ގެންނަން މަސައްކަތް ކުރި ފުލުހަކަށް އެމީހާއަތުގައިއޮތް ވަޅިން ހަމަލާދީ ޒަޚަމްކޮށްފިއެވެ.
ފުލުސްމީހާ އަށް ހަމަލާދީފައިވަނީ މިއަދު ހަވީރު 3.45 އެހައިކަންހާއިރު އެވެ. މި ހާދިސާގައި ޒަޚަމްވި ފުލުސް މީހާއަށް ވިލިމާލެ ސިއްޙީމަރުކަޒުން ފަރުވާދިނުމަށްފަހު އިތުރަށް ތަޙުލީލުތައް ކުރުމަށް ވަނީ އައި.ޖީ.އެމް ހޮސްޕިޓަލަށް ގެންގޮސްފައި ކަމަށްވެސް ފުލުހުން ބުނެފައިވެއެވެ.
ފުލުސް މީހާއަށް ހަމަލާދީފައިވަނީ ޢުމަރުން 36 އަހަރުގެ ދިވެހި ފިރިހެނެކެވެ. އޭނާ ފުލުސް މީހާއަށް ހަމަލާދީފައިވަނީ ތިލައިގައި 17 ސެންޓިމީޓަރު ހުރި ވަޅިއަކުންނެވެ.
އެ މީހާ އަކީ ވައްކަމުގެ މައްސަލަތަކުގެ ރެކޯޑް އޮންނަ މީހެކެވެ. އަދި އޭނާގެ މައްޗަށް ތުޙުމަތު ކުރެވޭ މައްސަލައެއްގެ ތަޙުޤީޤު ނިންމާ ދަޢުވާ ކުރުމަށް ވަނީ ޕްރޮސެކިއުޓަރ ޖެނެރަލްގެ އޮފީހަށް ފޮނުވާފައި ކަމަށްވެސް ފުލުހުންވަނީ ބުނެފައެވެ.
މި މައްސަލަ މޯލްޑިވްސް ޕޮލިސް ސާރވިސްގެ ސީރިއަސް އެންޑް އޯގަނައިޒްޑް ކްރައިމް ޑިޕާރޓްމަންޓުން ދަނީ ތަހުގީގު ކުރަމުންނެވެ.
ކިޔުންތެރިންގެ ހިޔާލު