އެކްސިޑެންޓްވި އަންހެން ކުއްޖާ ވޯޑަށް ބަދަލުކޮށްފި
3 ޖެނުއަރީ 2015 20:36
އިއްޔެ ހަވީރު 6.00 އެހައިކަންހާއިރު ހުޅުމާލޭ ނިރޮޅުމަގުގައި ހިނގި އެކްސިޑެންޓްގައި ބޮލަށް އަނިޔާވި އަންހެން ކުއްޖާ އޭޑީކޭހޮސްޕިޓަލުގެ އައިސީޔޫއިން ވޯޑަށް ބަދަލުކޮށްފި ކަމަށް އެކުއްޖާގެ ބައްޕަ ބުނެފިއެވެ.
ޢުމަރުން 18 އަހަރުގެ އެކުއްޖާ ވޯޑަށް ބަދަލުކޮށްފައިވަނީ މިއަދުގެ ވަގުތެއްގައި ކަމަށް އެކުއްޖާގެ ބައްޕަ ބުނެފައިވެއެވެ. އޭނާގެ ޙާލު މަޑުމަޑުން ރަނގަޅުވަމުން އަންނަ ކަމަށާއި، މިހާރު ވާހަކަ ދައްކާއުޅޭ ކަމަށްވެސް ކުއްޖާގެ ބައްޕަ ބުންޏެވެ.އޭނާއަށް އިތުރަށް ފަރުވާ ދިނުމަށް ރާއްޖެއިން ބޭރަށް ގެންދަން ޖެހޭތޯ އެހުމުން ބައްޕަ ބުނީ އަދި ވަކިގޮތަކަށް ނުނިންމާ ކަމަށެވެ. އެކަން ހަމަޖެހިގެންދާނީ ޑޮކްޓަރުންގެ ލަފާގެ މަތިން ކަމަށެވެ.
މިއެކްސިޑެންޓް ހިނގާފައިވަނީ އަންހެން ކުއްޖާއާއެކު ގޮސްތި އެހެން ދެ ފިރިހެންކުދިން ދުއްވަމުންދިޔަ ސައިކަލްއައިސް އަންހެން ކުއްޖާ އިން ސައިކަލުގައި ޖެހިގެން ކަމަށް ފުލުހުންވަނީ ބުނެފައެވެ. މިއެކްސްސިޑެންޓް ހިނގާފައިވަނީ މި އަންހެން ކުއްޖާއިން ސައިކަލް ޔޫޓަރންއެއް ނަގަން އުޅުމުގެ ތެރޭގައި ފަހަތުން އައިސައިކަލް އޭގައި ޖެހިގެންނެވެ.
އަންހެން ކުއްޖާއިން ސައިކަލް ދުއްވަން އިން ފިރިހެން މީހާ އާއި ދެވަނަ ސައިކަލްގައި ތިބި ދެ މީހުންނަށްވެސް މިހާދިސާގައިވަނީ އަނިޔާވެފައެެ. ނަަމަވެސް ހުޅުމާލޭ ހޮސްފިޓަލުން ފަރުވާ ދިނުމަށް ފަހު އެމީހުންވަނީ އިއްޔެ ދޫކޮށްލާފައެވެ.
ކިޔުންތެރިންގެ ހިޔާލު