ހުޅުމާލޭގައި ހިނގި އެކްސިޑެންޓެއްގައި އަންހެން ކުއްޖެއްގެ ބޯފަޅައިގެން ހިނގައްޖެ
2 ޖެނުއަރީ 2015 20:13
ހުޅުމާލޭގައި ފުލުހުން ޓްރެފިކް އޮޕަރޭޝަނެއް ހިންގަނީ
މިއަދު ހަވީރު ހުޅުމާލޭގައި ހިނގި އެކްސިޑެންޓެއްގައި 18 އަހަރުގެ އަންހެން ކުއްޖެއްގެ ބޯފަޅައިގެންގޮސް ސީރިއަސް އަނިޔާތަކެއް ވެއްޖެއެވެ.
ދެސައިކަލް ޖެހުމުގެ ސަބަބުން ހިނގި މިއެކްސިޑެންޓް ހިނގާފައިވަނީ ހުޅުމާލެ އިން ހުޅުލެ އަށް ދާން އޮންނަ މަގުގައެވެ. މިއެކްސްސިޑެންޓް ހިނގާފައިވަނީ މި އަންހެން ކުއްޖާއިން ސައިކަލް ޔޫޓަރންއެއް ނަގަން އުޅުމުގެ ތެރޭގައި ފަހަތުން އައިސައިކަލް އޭގައި ޖެހިގެންނެވެ.
މިހާދިސާ ހިނގުމުން އެކުއްޖާއަށްވަނީ ހުޅުމާލެ ހޮސްޕިޓަލުން ފަރުވާދީފައެވެ.
ހުޅުމާލެ ހޮސްޕިޓަލުން ފަރުވާ ހޯދުމަށްފަހު މިހާރުވަނީ އޭޑީކޭ ހޮސްޕިޓަލަށް ބަދަލު ކޮށްފައެވެ. އޭޑީކޭ ޑޮކްޓަރުންނަށް ހަވާލާދީ އެކުއްޖާގެ ބައްޕަ ބުނެފައިވަނީ އެކުއްޖާގެ ބޯފަޅައިގެންގޮސް ކަންފަތާ ދިމާއެތެރެއިންވަނީ ކަށިގަނޑެއް ބިންދައިގެން ގޮސްފައި ކަމަށެވެ. އެކުއްޖާގެ ކަނދުރާއަށްވެސް ކޮންމެވެސް ވަރެއްގެ އަނިޔާ ވެފައިވާ ކަމަށް މަޢުލޫމާތު ލިބިފައިވެއެވެ. އެކުއްޖާއަށް މިހާރު ފަރުވާދެމުން ގެންދަނީ އެޑީކޭ ހޮސްޕިޓަލްގެ އައިސީޔޫގައެވެ.
އަންހެން ކުއްޖާއިން ސައިކަލް ދުއްވަން އިން ފިރިހެން މީހާ އާއި ދެވަނަ ސައިކަލްގައި ތިބި ދެ މީހުންނަށް ހުޅުމާލޭ ހޮސްފިޓަލުން ފަރުވާ ދިނުމަށް ފަހު ދޫކޮށްލާފައިވާ ކަމަށް ފުލުހުންވަނީ ބުނެފައެވެ.
މަޢުލޫމާތު ލިބިފައިވާ ގޮތުގައި މި މީހުންނަކީ ޑިޔުޓީފްރީގައި މަސައްކަތް ކުރާ ބައެކެވެ. އެމީހުން ހުޅުމާލެއަށްގޮސް އުޅުނީ ބާބަކިޔު ހަދަން ކަމަށް މަޢުލޫމާތު ލިބިފައިވެއެވެ.
ކިޔުންތެރިންގެ ހިޔާލު