ފާހިޝް ކަންތައްތައް އާންމުވަމުންދާތީ ކަންބޮޑުވަން: އަދާލަތު ޕާޓީ
3 ޖެނުއަރީ 2015 1:04
މުޖްތަމައު ބަލައިނުގަންނަ ފާހިޝް ކަންތައްތައް އާންމުވަމުންދާތީ އެކަމާ ކަންބޮޑުވާ ކަމަށް އަތާލަތު ޕާޓީން ބުނެފިއެވެ.
އަދާލަތު ޕާޓީން މިއަދު ނެރުނު ބަޔާނެއްގައި ބުނެފައިވަނީީ، މުނި ފޫހި ފިލުވުމަށް މިހާރަކަށް އައިސް ބާއްވާ ބައެއް ހަރަކާތްތަކުގައި އިސްލާމް ދީނުގެ ސަގާފަތާ ނުގުޅޭ ކަންތައްތައް ކުރިއަށް ގެންދާކަމަށެވެ. އަދި އެފަދަ ކަންތައްތަކަކީ އަދާލަތުން ތަރުހީބުދޭކަންތައްތަކެއް ނޫންކަމަށް ވެސް އެ ބަޔާނުގައި ބުނެފައިވެއެވެ. މުނިފޫހިފިލުވުމުގެ ގޮތުން ހިންގާ ހަރަކާތްތަކުގައި ދީނީ އަދި އިޖްތިމާއީ މިންގަނޑުތައް ހިފެހެއްޓުމަށް ސަރުކާރުގެ އެކި މުއައްސަސާތަކަށާއި ޖަމްއިއްޔާތަކަށް އެ ބަޔާނުގައި އަދާލަތު ޕާޓީން އެދިފައިވެއެވެ.
ޒުވާނުންނަށް ހެޔޮއެދޭ ފަރާތްތަކުން ޒުވާނުންގެ ހެވާއި ލާބައަށް މަސައްކަތް ކުރަންޖެހޭނީ އިޚްލާސްތެރިކަމާ އެކު ކަމަށްވެސް އަދާލަތުން ބުނެއެވެ.
"އޭގެ ބަދަލުގައި ކުޅިވަރާއި މަޖަލުގައި އެ މީހުންގެ ހުރިހާ ވަގުތެއް ހޭދަވެ، މަސްތުވާތަކެތީގެ ޝިކާރައަކަށް ވެގެންދާ ގޮތަށް ކަންތައްތައް ވެގެން ދިއުމަކީ ޒުވާނުންގެ މަސްލަހަތު އޮތްގޮތެއް ނޫނެވެ،" އަދާލަތު ޕާޓީން ބުނެއެވެ.
ކިޔުންތެރިންގެ ހިޔާލު