ގާނޫނު ނެގެހެއްޓުމަށް ފުލުހުން ކުރަމުންދާ މަސައްކަތަށް އެއްބާރުލުން ދޭނަން: އީސީ
28 ޑިސެމްބަރ 2014 21:23
ޤާނޫނު ނެޖެހެއްޓުމަށް ފުލުހުން ކުރަމުންދާ މަސައްކަތަށް އިލެކްޝަންސް ކޮމިޝަންގެ އެއްބާރުލުން ލިބޭނެކަަމަށް އިލެކްޝަން ކޮމިޝަނުގެ ރައީސް އަހުމަދު ސުލައިމާން ވިދާޅުވެއްޖެއެވެ.
ސުލޭމާނު މިހެން ވިދާޅުވީ، އިލެކްޝަން ކޮމިޝަނުގެ މެމްބަރުންނާ ކޮމިޝަނަރ އޮފް ޕޮލިސް ހުސެން ވަހީދުގެ ދައުވަތަކަށް ފުލުހުންގެ ހެޑްކުއަރޓަރ ޝަހީދު ހުސެން އާދަމް ބިލްޑިންގައި ބޭއްވި ބައްދަލުވުމެއްގައެވެ.
ފުލުހުންގެ ފަރާތުން އިލެކްޝަންސް ކޮމިޝަންގެ މަސައްކަތަށް ދެއްވާ އެއްބާރުލުން ފާހަގަ ކުރައްވައިވާހަކަ ދައްކަވާފައިވެއެވެ.
އެބައްދަލުވުމުގައި ވާހަކަ ދައްކަވަމުން ކޮމިޝަނަރ އޮފް ޕޮލިސް ހުސެން ވަހީދު ވިދާޅުވީ، އިލެކްޝަންސް ކޮމިޝަނަކީ ސިޔާސީ ޕާޓީތަކުގެ ބަލަދުވެރި ފަރާތަށް ވީހިނދު ޤައުމުގެ އަމާންކަން ގެއްލިގެންދާ ފަދަ ގޮތަކަށް ސިޔާސީ ފަރާތްތަކުން ޤާނޫނުގެ އިމުން ބޭރުން ކުރާ ކަންތައްތަކަށް ކޮމިޝަނުންސަމާލުވުމަށް އެދިލައްވާފައިވެއެވެ. މިއަހަރު އަދި މީގެ ކުރީގެ އަހަރުތަކުގައި ވެސް ދިމާވެފައި ހުރި ކަންތައްތަކަށް ނަޒަރު ހިންގާލުމަކީ މި ފެށޭ އަހަރަށް ތައްޔާރު ވުމަށް ވަރަށް މުހިއްމު ކަމެއް ކަމަށް ދެކިވަޑައިގަންނަވާ ކަމަށް ވެސް އޭނާ ވިދާޅުވިއެވެ. އަދި ފުލުހުންނާއި އިލެކްޝަންސް ކޮމިޝަންސްއާ ގުޅިގެން ކުރަން ޖެހޭ މަސައްކަތްތަކުގައި މޯލްޑިވްސް ޕޮލިސް ސާވިސްގެ ފަރާތުން އެންމެ ފުރިހަމަ އެއްބާރުލުން އަބަދުވެސް ދެއްވާނެ ކަމުގެ ޔަޤީންކަންވެސް ދެއްވިއެވެ.
ކިޔުންތެރިންގެ ހިޔާލު