ޝޯން ޕޯލަށް ދިން އިންޒާރާމެދު ކަންބޮޑުވާކަށް ނުޖެހޭ: ރައީސް އޮފީސް
28 ޑިސެމްބަރ 2014 16:34
މީލާދީ އައު އަހަރު ފުރުމުގެ މުނާސަބަތުގައި ރާއްޖެއަށް ގެނައުމަށް މަސައްކަތްކުރާ ޖަމައިކާގެ މަޝްހޫރު ލަވަކިއުންތެރިއާ ޝޯން ޕޯލަށް ދީފައިވާ އިންޒާރާއި މެދު ކަންބޮޑުވާން ނުޖެހޭކަމަށް ރައީސް އޮފީހުން ބުނެފިއެވެ.
ރައީސް އޮފީހުން ނެރެފައިވާ ބަޔާނެއްގައި ބުނެފައިވަނީ ޝޯން ޕޯލް ރާއްޖެއަތުވެއްޖެނަމަ، މަރައިލަނެކަމަށް ބުނެ ދީފައިވާ އިންޒާރަކީ އެއްވެސް އަސާސެއް ނެތް އިންޒާރެއް ކަން ތަހުގީގަށް ހާމަވެފައިވާކަމަށެވެ.
އެ އިންޒާރަކީ ޝޯ ބަލަން ކެތްމަދުވެފައިވާ އެތައް ހާސް ބަޔަކު މާޔޫސް ކުރުވުމުގެ މަގުސަދުގައި ދީފައިވާ އިންޒާރެއް ކަމަށް ވެސް ރައީސް އޮފީހުން ބުނެއެވެ. ޝޯން ޕޯލްގެ ކޮންސެޓާއި އެއާ އެކު، ރާއްޖޭގެ ޓޫރިޒަމް ސިނާއަތުން އަނެއްކާވެސް މި އަހަރު ހޯދާފައިވާ ބޮޑު ކާމިޔާބީ ފާހަގަކުރުމަށް އެންމެން ވެސް ތިބީ ކެތް މަދުވެފައިކަމަށް ވެސް ރައީސް އޮފީހުން ބުެނެއެވެ.
ރާއްޖެއަށް ޒިޔާރަތްކުރާ ކޮންމެ ފަތުރުވެރިއަށް ވެސް ރައްކާތެރިކަން ދެވޭނެކަމަށް ރައީސް އޮފީހުން ބުނއެވެ. އަދި ރާއްޖެއަށް ޒިޔާރަތްކުރާ ހާއްސަ މެހެމާނުންނަށްވެސް ހިމާޔަތް ދޭނެކަމަށް ރައީސް އޮފީހުން ބުނެއެވެ.
ކިޔުންތެރިންގެ ހިޔާލު