ނޫސް މަޖައްލާތަކާއި، ޓީވީ އަދި ރޭޑިއޯ އަލުން ރެޖިސްޓަރ ކުރަން އަންގައިފި
28 ޑިސެމްބަރ 2014 16:03
.ނޫސް މަޖައްލާތަކާއި، ޓީވީ އަދި ރޭޑިއޯ އަލުން ރެޖިސްޓަރ ކުރުމަސް ހޯމް މިނިސްޓްރީން އަންގައިފިއެވެ.
ނޫސް މަޖައްލާ އަލުން ރެޖިސްޓަރ ކުރަން އަންގާފައިވަނީ، އަންނަ ޖެނުއަރީ މަހުގެ 20 ވަނަ ދުވަހުގެ ކުރިންނެނެވެ. އަލުން ރެޖިސްޓަރ ކުރަން ހުށަނާޅާ ނޫސް މަޖައްލާތަކާ ރޭޑިއޯ އަދި ޓީވީތަކުގެ ލައިސަންސު އުވައިލެވޭނެކަމަށް ވެސް ހޯމް މިނިސްޓްރީން ވަނީ ބުނެފައެވެ.
އަލުން ރެޖިސްޓަރ ކުރުމަށް ހުށަހަޅާއިރު، ފާއިތުވީ ހަ މަސްދުވަހުގެ ތެރޭގައި ނޫސްމަޖައްލާތައް ނެރެފައިވާކަމުގެ ހެކި ހުށަހަޅަން ޖެހެވެ. އަދި ޓީވީ ރޭޑިއޯ ހިންގާފައިވާކަމުގެ ހެކިވެސް ހުށަހަޅަން ޖެހޭ ކަމަށް ހޯމް މިނިސްޓްރީން ބުނެއެވެ.
ސެޕްޓެމްބަރު މަހުގެ ތެރޭގައި ވެސް އަލުން ނޫސް މަޖައްލާތައް ރެޖިސްޓަރ ކޮށްފައިވެއެވެ. ނަމަވެސް އަނެއްކަވެސް ނޫސް މަޖައްލާތައް ރެޖިސްޓަރ ކުރުމަށް އަންގާފައިވަނީ، "ވަރައް ގިނަބއެއްގެ އެދުމުގެ މަތިން" ކަމަށް ހޯމް މިނިސްޓްރީން ބުނެއެވެ.
ކިޔުންތެރިންގެ ހިޔާލު