ޝޯން ޕޯލާދެކޮޅަށް ވީޑިއޯ ނެރުނީ އަހަރުމެނެއްނޫން: ބިލާދުއް ޝާމް

ޝޯން ޕޯލްއަށް މަރުގެ އިންޒާރުދީ އާއްމުކޮށްފައިވާ ވީޑިއޯ އަކީ ބިލާދުއް ޝާމުން ނެރެފައިވާ ވީޑިއޯއެއް ނޫންކަމަށް އެ ޖަމާއަތުން ބުނެފިއެވެ.

ބިލާދުއް ޝާމުން އެމީހުންގެ ފޭސްބުކް ޕޭޖުގައި ބުނެފައިވަނީ، އެ ވީޑިއޯއަކީ އެމީހުންގެ ވީޑިއޯއެއް ނޫން ނަމަވެސް، ޝޯން ޕޯލްގެ ޝޯ ބޭއްވުމާ ދެކޮޅުކަމަށެވެ.

"އެފަދަ ކޮންސެޓްތަކާ އަހަރުމެން ދެކޮޅު. ކަމަށާއި އެއީ މުސްލިމް ޒުވާނުންގެ ވިސްނުން ދީނާ ދުރަށް ގެންދިއުމަށް ކާފަރުންނާއި އެމީހުންގެ ބައިވެރިންދޭ ހަމަލާތަކުގެ ބައެއް،" އެ ޖަމާއަތުން ބުނެފައިވެއެވެ.  

އަދި އެވީޑިއޯއަކީ އެމްޑީޕީން ނުވަތަ ސެކިއުލާ ބަޔަކު ކޮށްފައިވާ ކަމެއް ކަމަށެވެ. 

"ޝޯން ޕޯލް ރާއްޖެ ގެނެސް ޝޯ ބޭއްވުން ފަދަ "މުޑުދާރު" ކަންތައްތަކާ  އަހަރުމެން ދެކޮޅު. އަހަރުމެން ވީޑިއޯއެއް އަޕްލޯޑު ކުރާނީ އަހަރުމެންގެ ފޭސްބުކް ޕޭޖަށް،" ބިލާދުއް ޝާމުން ބުނެފައިވެއެވެ. 

އެވީޑިއޯ އަކީ އެމީހުންގެ ކަމެއް ކަމަށް ނުވިޔަސް  ކަމަށް ވެސް ބަޔާނުގައިވެ އެވެ.

އަދި ޝޯން ޕޯލް ފަދަ ކާފަރުންގެ ހުތުރު އަމަލުތަކާ ދުރަށް ދިއުމަށް ވެސް ބަޔާނުގައި ރާއްޖޭގެ ޒުވާނުންނަށް ގޮވާލާފައިވެ އެވެ.

" ޝޯން ޕޯލް ފަދަ މުޑުދާރު ކާފަރުން ދޫކޮށް، ރަސޫލާ ޞައްލަﷲ ޢަލައިހި ވަސައްލަމްއާއި އުއްމަތުގެ ސަލަފުންނަށް ދައްކަވާފައިވާ މިސާލުތަކަށް ތަބާވުމަށް ރާއްޖޭގެ ޒުވާނުންނަށް އަހަރެމެން ގޮވައިލަން،"