ފުލުހުންގެ ސެކުއިރިޓީއާއި އެކު ސޯން ޕޯލް ޝޯގެ ތައްޔާރީތައް ގަލޮޅުދަނޑުގައި
26 ޑިސެމްބަރ 2014 4:12
ފުލުހުންގެ ސެކުއިރިޓީއާއި އެކު ސޯންޕޯލް ޝޯގެ ތައްޔާރީތައް ގަލޮޅުދަނޑުގައި ކުރިއަށް ގެންދަން ފަށައިފިއެވެ.
ފުލުހުންގެ ސެކިއުރިޓީ ދޭން ފަށާފައިވަނީ މިރޭ 12:00 އިން ފެށިގެންނެވެ. ފުލުހުން ވަނީ ގަލޮޅު ދަނޑު ވަޑައިގެންވާ ހުރިހާ މަގެއް ބަންދުކޮށްފައެވެ. ފުލުހުން ސެކިއުރިޓީ ދެން ފަށާފައިވަނީ ޝޯގެ ތައްޔާރީތައް ކުރިއަށް ދިޔަ ވަގުތު އެ ސަރަހައްދަށް ބަޔަކު އައިސް މަސައްކަތްކުރަމުން ދިޔަ މީހުންގެ މަސައްކަތް ހުއްޓައިލުމަށް ގޮވާ އަޑުގަދަ ކުރަން ފެށުމުންނެވެ.
"ދުވަސް ނިއުސް" ގެ ނޫސްވެރިން އެ ސަރަހައްދަށް ދިޔައިރު ވެސް، ބަޔަކު މީހުން ފުލުހުންނާ ދިމާލަށް "ތިކަހަލަ ލާދީނީ ކަންތައް ނުކުރުމަށް" ގޮވަމުން ގެންދިޔައެވެ. އަދި ސޯން ޕޯލްގެނެސް އައު އަހަރު ފާހަގަކުރުމަށް "ދަރުސްތައް ހަމަނުޖެއްސުމަށް" ގޮވަމުން ދިޔައެވެ.
މި ހާދިސާ ހިނގާފައި މިވަނީ، ޝޯން ޕޯލް ރާއްޖެ އަތުވެއްޖެނަމަ މަރައިލާނެކަމުގެ އިންޒާރު ބަޔަކު ޔޫޓިއުބުގައި ދީފައިވަނިކޮށެވެ.
ކިޔުންތެރިންގެ ހިޔާލު