ކޮނޑޭއާއި އުނގޫފާރުގައި އެސްޓީއޯގެ ފާމަސީ ހުޅުވައިފި
21 ޑިސެމްބަރ 2014 3:51
ކޮނޑޭ ބޭސްފިހާރަ- ފޮޓޯ އެސްޓީއޯ
ހުވަދުއަތޮޅު އުތުރުބުރީ ކޮނޑޭއާއި ރ. އުނގޫފާރުގައި އެސްޓީއޯގެ ފާމަސީތައް ހުޅުވައިފިއެވެ.
އެސްޓީއޯއިން ހާމަކުރައްވާފައިވާ ގޮތުގައި މިދެރަށުގައިވެސް ފާމަސީ ހުޅުވާފައިވަނީ މިހިނގާ ޑިސެމްބަރމަހުގެ 20 ވަނަ ދުވަހު ކަމަށެވެ.
މިއީ ރާއްޖޭގެ މީހުން ދިރިއުޅޭ ކޮންމެ ރަށެއްގައި އާސަންދައިގެ ޚިދުމަތް ލިބޭ ގޮތަށް ސަރުކާރާ ގުޅިގެން އެސްޓީއޯއިން އަޅަމުންދާ ފާމަސީތަކުގެ ތެރެއިން އަޅާފައިވާ ދެތަނެވެ. އެދެތަނުންވެސް މިހާރުދަނީ ޚިދުމަތް ފޯރުކޮށްދެމުންނެވެ. މި ދެ ފާމަސީ ހުޅުވުމުން އެސްޓީއޯ ފާމަސީތަކުގެ ޢަދަދު މިހާރުވަނީ 57 އަށް އިތުރުވެފައެވެ.
އެސްޓީއޯއިން ބުނެފައިވަނީ މިމަޝްރޫޢު ކުރިއަށް ގެންދިޔުމަށް ރަށްރަށުގެ ކައުންސިލްތަކުން ގެންދަނީ ވަރަށް ބޮޑު އެއްބާރުލުމެއް ދެމުން ކަމަށެވެ. އެކަމަށްޓަކައި ކައުންސިލްތަކަށް ޝުކުރު ދަންނަވާ ކަމަށްވެސް ބުނެފައިވެއެވެ.
ކިޔުންތެރިންގެ ހިޔާލު