ހުޅުމާލޭގައި ބިނާކުރާ ކުޑަކުދިންގެ ހިޔާގެ ބިންގާ ރައީސް ޔާމިން އަޅުއްވައިފި

ހުޅުމާލޭގައި ބިނާކުރާ ކުޑަކުދިންގެ ހިޔާގެ ބިންގާ، ރައީސުލްޖުމްހޫރިއްޔާ ޢަބްދުﷲ ޔާމީން ‏‏ޢަބްދުލްޤައްޔޫމް މިއަދު އަޅުއްވައިދެއްވައިފިއެވެ.

އެ އިމާރާތަކީ ޔުނައިޓެޑް އަރަބް އެމިރޭޓްސްގެ ޢާއިލާއެއްގެ ފަރާތުން އަޅާ އިމާރާތެކެވެ. އެ އާއިލާއަށް ރައީސް ޔާމިން ވަނީ ޝުކުރު އަދާކުރައްވައިފައެވެ. އޭގެއިތުރުން ރައީސުލްޖުމްހޫރިއްޔާގެ ވާހަކަފުޅުގައި، ސަރުކާރުން ކުރައްވާ ބޮޑެތި ‏‏މަސައްކަތްތަކުގައި، ނުވަތަ އިންސާނިއްޔަތަށްޓަކައި ކުރެވޭ ކޮންމެ ކަމެއްގައި ފެނިގެންދަނީ އެޙާލަތު ‏‏ރަނގަޅުކުރުމަށްޓަކައި ‏ދިވެހި ރައްޔިތުންގެ ދެއްވާ އެއްބާރުލެއްވުންކަމުގައި ވިދާޅުވިއެވެ.