އަލިފާނުގެ ހާދިސާ އިންޝިއުރަންސް ކޮމްޕެނީން ކަވަރު ކުރާނެ މިންވަރެއް ހާމަކުރަންޖެހޭ: އެމްޑީޕީ
9 ޑިސެމްބަރ 2014 19:54
އަލިފާނުގެ ހާދިސާގައި ލިބުނު ގެއްލުމަށް އިންޝުއަރެންސް ކުންފުނިން ކަވަރުކުރާނެ މިންވަރެއް އެމްޑަބްލިއުއެސްސީން ހަމާ ކުރަން ޖެހޭނެ ކަމަށް އެމްޑީޕީ ޗެއަރ ޕާސަންގެ ނައިބު، އަލީ ނިޔާޒް ވިދާޅުވެއްޖެއެވެ.
އެމްޑީޕީ އޮފީހުގައި މިއަދު ބޭއްވި ޕްރެސް ކޮންފަރެންސެއްގައި ވާހަކަ ދައްކަވަމުން ނިޔާޒުު ވިދާޅުވީ، އިންޝިއުރަންސް ކޮމްޕެނީން ކަވަރު ކުރާނެ މިންވަރެއް އެނގެން ޖެހޭނެ ކަމަށެވެ. އެކަން އެގެން ޖެހޭނީ ސީދާ ޓެކްނީޝަނުންގެ ފަރާތުންކަމަށް ވެސް ނިޔާޒު ވިދާޅުވިއެވެ.
"މިކަން އަޅުގަނޑުމެން އެނގެން ބޭނުންވަނީ ސީދާ ޓެކްނިކަލް ބޭފުޅުންގެ ފަރާތުން. އެއްވެސް ހާލެއްގައި އަޅުގަނޑުމެންނާ މިހާރު އެ ފޭސްކުރައްވާ ސިޔާސީ ފަރާތްތަކުގެ ފަރާތަކުން ނޫން. އެ ބޭފުޅުން ވެސް އެބަ ވިދާޅުވޭ މިއީ ސިޔާސީ ކަމެއް ނޫނޭ. އެކަމު ހަފްތާއަކަށް އައިއިރު އެމްޑަބްލިއުއެސްސީގެ ޓެކްނިކަލް ބޭފުޅުން އެއްޗެއް ވިދާޅެއް ނުވޭ،" ނިޔާޒު ވިދާޅުވިއެވެ.
ކިޔުންތެރިންގެ ހިޔާލު