ގަންފޮނަދޫ ލިންކްރޯޑުގެ ޢަމަލީ މަސައްކަތް ފަށައިފި

ހައްދުންމަތީ ގަމާއި ފޮނަދޫ ލިންކް ރޯޑުގެ މަސައްކަތް ފަށައިފި ކަމަށް އެއަތޮޅު ކައުންސިލުން ބުނެފިއެވެ.

ކައުންސިލްގެ ރައީސް ޔޫސުފް ޢާމިރު ވިދާޅުވީ އެމަގުގެ ޢަމަލީ މަސައްކަތް ފަށައިފައިވަނީ ހުސްވި ނޮވެމްބަރމަހުގެ 16 ވަނަ ދުވަހު ކަމަށެވެ. ނަމަވެސް އެމަސައްކަތް ފެށުމުގެ ރަސްމީ ހަފްލާއެއް ބޭއްވުމަށް ހަމަޖެހިފައިވާ ކަމަށްވެސް އޭނާ ވިދާޅުވިއެވެ.

ރަސްމީކޮށް އެމަސައްކަތް ފެށުން އޮންނާނީ މިހިނގާ ޑިސެމްބަރ މަހުގެ 14 ވަނަ ދުވަހު ކަމަށްވެސް ވިދާޅުވިއެވެ.

ތާރުއަޅައިގެން ހަަދަން ހަމަޖެހިފައިވާ 15.2 ކިލޯމީޓަރުގެ މިމަގަކީ ޗައިނާ ސަރުކާރުގެ ހިލޭ އެހީގައި ޗައިނާ ކުންފުންޏަކުން ކުރިއަށް ގެންދާ މަޝްރޫޢެއް ކަމަށްވެސް ޢާމިރު ވިދާޅުވިއެވެ. މިމަސައްކަތް ކުރަމުންދަނީ 2 އަހަރުތެރޭ ނިންމާ ގޮތަށް ކަމަށްވެސް އޭނާ ވިދާޅުވިއެވެ.