ކަސްޓަމްސްއިން 200 ޓަނުގެ ފެންފޯރުކޮށްދީފި
7 ޑިސެމްބަރ 2014 15:46
ފެނަށްޖެހިފައިވާ މާލޭގެ ރައްޔިތުންނަށް މޯލްޑިވްސް ކަސްޓަމްސް ސަރވިސަސްއިން މިހައިތަނަށް 200 ޓަނަށްވުރެ ގިނަ ފެން ފޯރުކޮށްދީފިއެވެ.
މިފެން ރައްޔިތުންނަށް ފޯރުކޮށްދީފައިވަނީ އެމް.އެން.ޑީ.އެފްގެ ޓޭންކްތައް މެދުވެރިކޮށްގެންނާއި، ކަސްޓަމްސް ކައިރީގައި 25 އިސްކުރު ބަހައްޓައިގެންނެވެ. މިއީ ކަސްޓަމްސްއިން ރައްކާކޮށްފައިވާ ވާރޭފެނެވެ.
ކަސްޓަމްސްއިން ބުނެފައިވަނީ އިއްޔެއިން ފެށިގެން އެތަނުން ފެންފޯރުކޮށްދިނުމުގައި އެތަނުގެ މުވައްޒަފުންވަނީ ވަރަށް ފުރިހަމައަށް ބައިވެރިވެފައި ކަމަށެވެ. އެގޮތުން އެތަނުގެ 70 އެއްހައި މުވައްޒަފުން ވަނީ ބައިވެރިވެފައި ކަމަށް ކަސްޓަމްސްއިން ހާމަކުރެއްވިއެވެ.
ކަސްޓަމްސްއިން މިއަދުވެސް ގެންދަނީ ފެންދޫކުރަމުންނެވެ. އެތަނުން ބުނެފައިވަނީ ފެނުގެ މައްސަލަ ހައްލުވަންދެން އާންމުނަށް ފެންފޯރުކޮށްދޭނެ ކަމަށެވެ.
ކިޔުންތެރިންގެ ހިޔާލު