ފެނަށް ޖެހުމުން އާއިލާތައް ހުޅުމާލެއަށް ދާން ފަށައިފި
4 ޑިސެމްބަރ 2014 23:55
ހުޅުމާލެ މަގެއް
އެމްޑަބްލިޔުއެސްސީގައި ހިނގި އަލިފާނުގެ ހާދިސާއަކާ ގުޅިގެން މާލެ ފެނަށް ޖެހުމުން ގިނަ މީހުން ވަގުތީގޮތުން ހުޅުމާލެއަށް ބަދަލުވާން ފަށަައިފިއެވެ.
އެހެން ހަފްތާތަކުގެ ބަންދާ ދިމާކޮށް މިރޭ ހުޅުމާލެއަށްދާ މީހުން އަދަދު އިތުރު ކަމަށް ބައެއް ގެސްޓްހައުސްތަކުންވަނީ ބުނެފައެވެ. ހުޅުމާލެއަށްދާ އާއިލާތަކުގެ ތެރޭގައި ބިދޭސީ އާއިލާތައްވެސް ހިމެނެއެވެ.
އެލީޓުން ބުނީ ވަރަށްގިނަ އާއިލާތައް ހުޅުމާލެއަށް އަންނަމުންދާ ކަމަށެވެ. މައުލޫމާތު ލިބިފައިވާ ގޮތުގައި ހުޅުމާލޭގެ ގެސްޓްހައުސްތައް މިހާރުވަނީ ފުލްވެފައެވެ. ހުޅުމާލެދާ މީހުން ބުނަމުންދަނީ އެރަށަށް ބަދަލުވަމުންދަނީ މާލެއިން ފެންނުލިބޭތީ ކަމަށެވެ. "މިރޭ ފާޚާނާ ކުރެވޭނެގޮތެއްނުވި. ފެންވެރޭ ގޮތެއްނުވި. ހަމައެކަނި ބޯފެން ލިބިގެންވެސް ވާކަމަށްނެތް. ތާހިރުވެސްވާންޖެހޭނެ. އެކަން މާލެއިން ނުވާތީ ހުޅުމާލެއައީ،" ހުޅުމާލެ ދިޔަ މީހަކު ބުންޏެވެ.
މާލެ ފެނަށްޖެހިފައިވަނީ މިއަދު މެންދުރު ފަހުން ފެށިގެންނެވެ. ސަރުކާރުންދަނީ މިކަން ހައްލު ކުރުމަށް މަސައްކަތް ކުރަމުނެވެ.
ކިޔުންތެރިންގެ ހިޔާލު