ސިއްޙީ ދާއިރާއަށް ބޭނުންވާ ފަންނީ މިހުން ލިބުމުގެ މައްސަލަ ބޮޑު- މިނިސްޓަރ ނާޒިމް

ރާއްޖޭގެ ސިއްޙީ ދާއިރާއަށް ބޭނުންވާ ފަންނީ މީހުން ހޯދުމަށް އަދިވެސް ދަތިކަން އެބަހުރި ކަމަށް އެކްޓިން ހެލްތު މިނިސްޓަރ މުޙައްމަދު ނާޒިމް ވިދާޅުވެއްޖެއެވެ.

އެމަނިކުފާނު މިހެން ވިދާޅުވީ ކ. މާފުށީ ސިއްހީ މަރުކަޒު 24 ގަޑިއިރުގެ ޚިދުމަތްދޭ ތަނަކަށް ބަދަލު ކުރުމަށް މިއަދު ހަވީރު ބޭއްވި ރަސްމިއްޔާތުގައި ވާހަކަފުޅު ދައްކަވަމުންނެވެ.

މިނިސްޓަރ ވިދާޅުވީ ޚާއްސަ ގޮތެއްގައި ތަފާތު ބަލިތަކަށް ޚާއްސަ ޑޮކްޓަރުންން ހޯދުމަށް ދަތިކަމެއް ކުރިމަތިވެފައިވާ ކަމަށެވެ. ނަަމަވެސް އެކަން ހައްލު ކުރުމަށްޓަކައި ސްޕެޝަލިސްޓް ޑޮކްޓަރުންނެތް އަތޮޅުތަކަށް އެފަދަ ޑޮކްޓަރުން ފޮނުވުމުގެ މަސައްކަތް ކުރައްވަމުން ގެންދަވާ ކަމަށް މިނިސްޓަރ ވިދާޅުވިއެވެ. އެގޮތުން މިނިސްޓްރީން ހިންގަމުން ގެންދާ އައުޓްރީޗް ޕްރޮގްރާމްގެ ތެރެއިން އައި.ޖީ.އެމް.އެޗްގައިމަސައްކަތް ކުރައްވަމުންދާ ފުއްޕާމޭގެ ބަލިތަކަށް ޙާއްސަ ޑޮކްޓަރު ނުވަތަޕަލްމޮނޮލޮޖިސްޓް މިމަހުގެ 19 އިން 26 އަށް ޑރ. އަބްދުއް ސަމަދު މެމޯރިއަލް ހޮސްޕިޓަލްގައި ބަލިމީހުން ބެއްލެވުމަށް ހަމ ހަމަޖެހިފައިވާ ކަމަށްވެސްވެސް މިނިސްޓަރ ވިދާޅުވިއެވެ.

"މި ޑިސެމްބަރމަހުގެ ތެރޭގައި ނެފްރޮލޮޖިސްޓް ނުވަތަ ކިޑްނީގެ ބަލިތަކަށް ޙާއްސަ ޑޮކްޓަރު ޑރ. އިބްރާހިމް ޝިހާމް ބަލިމީހުން ބެއްލެވުމަށްޓަކައި ހދ. ކުޅުދުފުއްޓަށް ވަޑައިގަތުމަށްވެސްވަނީ ހަމަޖެހިފައި. އެހެންކަމުން ކުރިއަށް އޮތް ތަނުގައިވެސް މިފަދަ ސްޕެޝަލިސްޓް ޑޮކްޓަރުންގެ ޚިދްމަތް ނުލިބޭ އަތޮޅުތަކަށް މިޚިދްމަތް ފޯރުކޮށް ދިނުމަށް މިނިސްޓްރީއިން މަސައްކަތް ކުރަމުން ގެންދާނަން،" މިނިސްޓަރ ވިދާޅުވިއެވެ.

 މާފުށީ ޞިއްހީ މަރުކަޒު 24 ގަޑިއިރު ޚިދްމަތްދޭ މަރުކަޒަކަށް ބަދަލު ކުރުމަށްފަހު އެތަނުގައިވަނީ އާސަންދަ ޚިދުމަތްލިބޭ ގޮތަށް އެސް.ޓީ.އޯގެ ބޭސް ފިހާރައެއް ވެސް ހުޅުވާފައެވެ.

އެމަރުކަޒު 24 ގަޑިއިރު ޚިދްމަތްދޭ މަރުކަޒަކަށް ބަދަލު ކުރުމަށްފަހު އެތަނަށް ބޭނުންވާ މުވައްޒަފުން ހޯދުމުގެ މަސައްކަތްވެސް ކުރައްވަމުން ގެންދަވާ ކަމަށް މިނިސްޓަރ ވިދާޅުވިއެވެ.

މިއަދުން ފެށިގެން ދެ ޑޮކްޓަރުންގެ ޚިދްމަތް އެތަނުން ލިބެމުންދާނ ކަމަށްވެސް މިނިސްޓަރ ވިދާޅުވިއެވެ.

މިނިސްޓަރ ވިދާޅުވީ އެސްޓީއޯއާއި ހެލްތު މިނިސްޓްރީއާއި ދެމެދުވެފައިވާ އެއްބަސްވުމުގެ ދަށުން ޤާއިމު ކުރެވިގެންދާ ބޭސް ފިހާރައިގެ ސަބަބުން ރައްޔިތުންނަށް ދިމާވެފައިވާ ބޭސް ލިބުމުގެ ދަތިކަމަށް ލުޔެއް އަންނާނެ ކަމަށެވެ.