ބްރިޖުގެ ދިރާސާ އެއްބަސްވުމުގައި ސޮއިކޮށްފި
1 ޑިސެމްބަރ 2014 13:55
މާލެ އާއި ހުޅުމާލެއާ ދެމެދު ބްރިޖް އެޅުމަށް ބޭނުންވާ ޕްރީ-ފީޒިބިލިޓީ ސްޓަޑީ ހެދުމުގެ އެއްބަސްވުމުގައި ދިވެހި ސަރުކާރުން ޗައިނާއާއެކު މިއަދު ސޮއިކޮށްފިއެވެ.
ސަރުކާރުގެ ފަރާތުން މިއެއްބަސްވުމުގައި ސޮއިކުރެއްވީ ހައުސިންގ މިނިސްޓަރ ޑރ. މުހައްމަދު މުއިއްޒެވެ. މިރަސްމިއްޔާތުގައި މިނިސްޓަރ ވިދާޅުވީ މިއީ މިމަޝްރޫއާ ގުޅިގެން ކުރިއަށް އެޅުނު ފިޔަވަޅެއް ކަމަށެވެ. ކުރިއަށްއޮތްްތަނުގައި އިތުރު ކަންކަން ކުރިއަށްދާނެ ކަމަށެވެ. އެމަނިކުފާނު ވިދާޅުވީ މިއީ ސަރުކާރުން ވަރަށް ބޮޑަށް އިސްކަން ދެއްވައިގެން ކުރިއަށް ގެންދަވާ މަޝްރޫޢެއް ކަމަށެވެ.
މިނިސްޓަރ ވިދާޅުވީ މިހާރު ކުރިއަށްދާ މަސައްކަތްތަކުގެ ބޮޑުބައި މިހާރު ވަނީ ނިމިފައި ކަމަށެވެ. މިހާރުވަނީ ޕްރިމިލިނަރީ ފިސިބިލިޓީ ސްޓަޑީގެ ފައިނަލް ސްޓޭޖާ ހިސާބަށް ކަޑައްތުވެފައި ކަމަށެވެ.
މި ރަސްމިއްޔާތުގައި ޗައިނާ އެމްބަސީގެ ޕްރިންސިޕަލް އޮފް އިކޮނޮމިކް އެންޑް ކޮމަރޝަލް ކައުންސެލަރ ޔާންގ ވެންޒިއޯންގ، ވިދާޅުވީ މިއީ ފީޒިބަލް ކަމަކަށް ވެއްޖެ ކަމަށްވާނަމަ މަޝްރޫއަށް ޗައިނާއިން މާލީ އެހީތެރިވެދޭނެ ކަމަށެވެ.
ޗައިނާ ތީމަކުން މިހާރުވެސް ދަނީ ބްރިޖު އެޅުމާބެހޭ ގޮތުން ދިރާސާ ކުރަމުންނެވެ. ދިރާސާ ދައްކާ ގޮތުން ބުރިޖު އަޅާ ސަރަހައްދުގެ ފުންމިނާއި، ރާޅު ހުންނަ ގޮތުން މައްސަލަ ދިމާވިޔަސް އެއީ ހައްލު ކުރެވޭނެ ކަންކަން ކަމަށް އެޓީމުންވަނި ބުނެފައެވެ.
ކިޔުންތެރިންގެ ހިޔާލު