ކުރިއަށްއޮތް އަށެއްކަ މަސްތެރޭގައި މާލެއާ އެއްއަގެއްގައި ހުޅުމާލެއިން ޕެޓްރޯލް ލިބޭނެ-އެސްޓީއޯ
30 ނޮވެމްބަރ 2014 20:51
މިއަދުގެ އެއްބަސްވުމުގައި ސޮއިކުރުމަށްފަހު އެއްބަސްވުން ބަދަލު ކުރަނީ
ކުރިއަށްއޮތް 6 ނުވަތަ 8 މަސްތެރޭގައި މާލެއާއ އެއްއަގެއްގައި ހުޅުމާލެއިން ޕެޓްރީލް ލިބެން ހުންނާނެ ކަމަށް އެސްޓީއޯގެ މެނޭޖިންޑިރެކްޓަރ އާދަމް ޢާޒިމް މިއަދު ވިދާޅުވެއްޖެއެވެ.
އޭނާ މިހެން ވިދާޅުވީ އެސްޓީއޯ އިން ހުޅުމާލޭގައި ތެލުގެ ޚިދުމަތްދޭން ފެށުމަށް ބޭނުންވާ ބިން އެސްޓީއޯއާ ހަވާލު ކުރުމަށް އެސްޓީއޯ ހެޑްއޮފީހުގައި މިއަދު ބޭއްވި ރަސްމިއްޔާތުގައި ވާހަކަ ދައްކަވަމުންނެވެ.
އެޗްޑީސީ އިން އެސްޓީއޯ އާ ހަވާލު ކުރުމަށް ނިންމާފައިވަނީ 800 މީޓަރުގެ ބިމެކެވެ. އެބިން ހަމަޖެހިފައިވަނީ ހުޅުމާލޭ ފެރީޓަރމިނަލާ ދިމާއިންނެވެ. ޢާޒިމް ވިދާޅުވީ އެހިސާބުން ބިމެއް ލިބުމަކީ ޚިދުމަތް ލިބިގަންނަ މީހުންނަށް ލިބިގެންދާނެ ފަސޭހައެއް ކަމަށެވެ. އޭނާ ވިދާޅުވީ މާލެއާ އެއްއަގެއްގައި ހުޅުމާލެއިން ޕެޓްރޯލް ލިބޭނެ މަގު ތަނަވަސް ކުރުމަށް އެސްޓީއޯއިން މަސައްކަތް ފެށީ ރައީސް ޔާމީންގެ އެދި ވަޑައިގެންނެވުމުގެ މަތިން ކަމަށެވެ.
މި ބައްދަލުވުމުގައި އެޗްޑީސީގެ މެނޭޖިންގ ޑިރެކްޓަރ ސުހައިލް ވިދާޅުވީ އެސްޓީއޯ ފަދައިން ސަރުކާރުގެ އެހެން ކުންފުނިތަކުން ހުޅުމާލޭގައި ދެމުންގެންދާ ޚިދުމަތްތައްވެސް މާލެއާއި އެއްއަގުގައި ދިނުމަށެވެ.
ކިޔުންތެރިންގެ ހިޔާލު