އިތުރު ތިން ބޭސްފިހާރަ އެސްޓީއޯއިން ހުޅުވައިފި

ރާއްޖޭގެ މީހުން ދިރިއުޅޭ ކޮންމެ ރަށެއްގައި އާސަންދައިގެ ޚިދުމަތް ލިބޭ ގޮތަށް އެސްޓީއޯއާއި ސަރުކާރު ގުޅިގެން ހިންގާ ބޭސްފިހާރަ ހުޅުވުމުގެ މަޝްރޫޢުގެ ދަށުން އިތުރު ތިން ފިހާރަ ހުޅުވައިފި ކަމަށް އެސްޓީއޯއިން ބުނެފިއެވެ.

މިފަހަރު ބޭސްފިހާރަ ހުޅުވާފައިވަނީ އދ. ދިގުރަށާއި، ތ. ވޭމަންޑުއާއި، ވ. ފެލިދޫގައެވެ. ދިގުރަށު ބޭސްފިހާރަ ހުޅުވާފައިވަނީ ނޮވެމްބަރ މަހުގެ 25 ވަނަ ދުވަހުއެވެ. ވޭމަންޑޫގައި ހުޅުވާފައިވަނީ ނޮވެމްބަރ 26 ވަނަ ދުވަހުއެވެ، ފެލިދޫގައި ހުޅުވާފައިވަނީ ނޮވެމްބަރ 28 ވަނަ ދުވަހުއެވެ.

މި 3 ފާމަސީ އިން އާސަންދައާއެކު މިހާރު ދަނީ ޚިދުމަތް ފޯރުކޮށްދެމުން ކަމަށް އެސްޓީއޯއިންވަނީ ބުނެފައެވެ. މި ފިހާރަތައް ހުޅުވުމުން އެސްޓީއޯ ފާމަސީތަކުގެ އަދަދު މިހާރު ވަނީ ސާޅީސްނުވަޔަކަށް އިތުރު ވެފައެވެ.