މިނިވަން ދައުލަތެއްގެ ގޮތުގައި އޮތުމުގެ ހައްގު ފަލަސްތީނަށް ދިނުމަށް ރައީސް ޔާމީން ގޮވާލައްވައިފި
30 ނޮވެމްބަރ 2014 0:24
ފުރިހަމަ މިނިވަން ދައުލަތެއްގެ ގޮތުގައި އޮތުމުގެ ހައްގު ފަލަސްތީނަށް ދިނުމަށް ރައީސުލް ޖުމްހޫރިއްޔާ އަބްދުﷲ ޔާމީން ގޮވާލައްވައިފިއެވެ.
މިއަދަކީ، ފަލަސްތީނުގެ ރައްޔިތުންނާ އެއްބައިވަންތަކަން ހާމަކުރުމުގެ ބައިނަލްއަގުވާމީ ދުވަސް ކަމަށް ވާތީ، ފޮނުއްވި މެސެޖުގައި ރައީސް ޔާމީން ވިދާޅުވެފައިވަނީ، ރާއްޖޭގެ އުއްމީދަކީ، އދ. ގެ ފުރިހަމަ މެމްބަރަކަށް ވުމަށް ފަލަސްތީނުން ކުރަމުން އަންނަ މަސައްކަތްތަކަށް ކާމިޔާބު ލިބިގެން ދިއުން ކަމަށެވެ.
އިިޒްރޭލުން ފަލަސްތީނުގައި ހިންގަމުންދާ އިންސާނީ ހައްގުތަކާ ޚިލާފު އަމަލުތައް، އެންމެ ހަރުކަށި އިބާރާތުން ރައީސް ޔާމިން ވަނީ ކުށްވެރިކުރައްވައިފައެވެ.
"ފަލަސްތީން ރައްޔިތުންގެ ހައްގުތައް ހޯއްދަވައި ދެއްވުމަށް ކުރެވޭ މަސައްކަތްތަކަކީ، ދިވެހި ރާއްޖޭގެ ޚާރިޖީ ސިޔާސަތުގައި ޚާއްސަ އިސްކަމެއް ދީފައިވާކަމެއް،" ރައީސް ޔާމިންގެ މެސެޖުގައި ވިދާޅުވެފައިވެއެވެ.
އދ. ގެ އިންސާނީ ހައްގުތަކާ ބެހޭ ކައުންސިލްގެ ޒިންމާދާރު މެމްބަރެއްގެ ހައިސިއްޔަތުން، ފަލަސްތީނުގެ މައްސަލާގައި ބައިނަލްއަގުވާމީ ދުނިޔޭގައި ރާއްޖެ އިން އަޑު އުފުލާނެއް ކަމަށް ވެސް ރައީސް ޔާމިން ވިދާޅުވިއެވެ.
ކިޔުންތެރިންގެ ހިޔާލު