ސީޕީގެ ސްޕޯކްސް ޕާސަންގެ މަގާމަށް އަޙުމަދު ޝިފާން ހަމަޖައްސަވައިފި
27 ނޮވެމްބަރ 2014 17:58
ކ-ވ : ކޮމިޝަނަރ އޮފް ޕޮލިސްގެ ސްޕޯކްސް ޕާރޝަން ސްޕްރިންޓެންޑެންޓް އޮފް ޕޮލިސް އަޙްމަދު ޝިފާން އަދި މޯލްޑިވްސް ޕޮލިސް ސާރވިސްގެ އިންފޮމޭޝަން އޮފިސަރ ޕޮލިސް ސްޓޭޝަން އިންސްޕެކްޓަރ އިސްމާޢިލް ޢަލީ
ކޮމިޝަނަރ އޮފް ޕޮލިސް (ސީޕީ) ގެ ސްޕޯކްސް ޕާރސަންގެ މަޤާމަށް ސްޕްރިންޓެންޑެންޓް އޮފް ޕޮލިސް އަޙްމަދު ޝިފާން ހަމަޖައްސައިފިއެވެ.
މީގެ އިތުރަށް މޯލްޑިވްސް ޕޮލިސް ސާރވިސްގެ އިންފޮމޭޝަން އޮފިސަރު ކަމަށްވެސް ކޮމިޝަނަރ އޮފް ޕޮލިސް ޙުސައިން ވަޙީދު ވަނީ މިއަދު ބޭފުޅަކު ހަމަޖައްސަވާފައެވެ. އެމަގާމަށް ހަމަޖައްސަވާފައިވަނީ ޕޮލިސް ސްޓޭޝަން އިންސްޕެކްޓަރ އިސްމާޢިލް ޢަލީއެވެ.
2014 ޖުލައި 12 ވަނަ ދުވަހުން ފެށިގެން އިއްޔެގެ ނިޔަލަށް މޯލްޑިވްސް ޕޮލިސް ސާރވިސްގެ އިންފޮމޭޝަން އޮފިސަރުގެ ގޮތުގައި ހުންނެވީ ޗީފް އިންސްޕެކްޓަރ އޮފް ޕޮލިސް ޙަސަން ޙަނީފެވެ.
މި ދެމަޤާމަށް މި ބޭފުޅުން އައްޔަން ކޮށްފައި ވަނީ މިހާރު އެބޭފުޅުން މޯލްޑިވްސް ޕޮލިސް ސާރވިސްގައި އަދާކުރަމުންދާ މަސްއޫލިއްޔަތުގެ އިތުރުން ކަމަށްވެސް ފުލުސް އޮފީހުން ހާމަ ކުރައްވާފައިވެއެވެ.
ފުލުސް އޮފީހުން މަޢުލޫމާތު ހޯދުމަށް ހުށަހަޅާއިރު ޤާނޫނުގައި ބުނާ މަޢުލޫމާތުތައް ފުރިހަމަވާގޮތަށް ހުށަހެޅުމަށް ފުލުސް އޮފީހުންވަނީ އެދިފައެވެ.
ކިޔުންތެރިންގެ ހިޔާލު