ސުޕްރީމް ކޯޓުގެ ފަނޑިޔާރުން މަދުކުރަން ހުށަހެޅި އިސްލާހުން އެމްޑީޕީ ބަރިއްޔަވެއްޖެ
25 ނޮވެމްބަރ 2014 12:23
ސުޕްރީމް ކޯޓުގެ ފަނޑިޔާރުން މަދުކުރުމަށް އެމްޑީޕީގެ ޕާލިމެންޓަރީ ގުރޫޕުގެ މެމްބަރު އިބްރާހިމް ޝަރީފް އިއްޔެ މަޖިލީހަށް ހުށަހެޅުއްވި އިސްލާމުން އެ ޕާޓީ ބަރީއަވެއްޖެއެވެ.
އެމްޑީޕީގެ ޕާލިމެންޓަރީ ގުރޫޕުގެ ރައީސް އިބްރާހިމް ސޯލިހު މިއަދު މީޑިއާތަކަށް ދެއްވި އިންޓަވިއުއެއްގައި ވިދާޅުވެފައިވަނީ، އިއްޔެ ޝަރީފު ހުށަހެޅުއްވި އިސްލާހަކީ އެ ޕާޓީން ފާސްނުކޮށް ހުށަހެޅުއްވި އިސްލާހެއް ކަމަށެވެ.
ޝަރީފް ކޯޓުތަކުގެ ގާނޫނަށް ހުށަހެޅުއްވި އިސްލާހުގައި ވިދާޅުވެފައިވަނީ ސްޕްރީމް ކޯޓުގެ ފަނޑިޔާރުން މަދުކުރުމަށްފަހު ރާއްޖޭގެ އުތުރާ ދެކުނުގައި ހައި ކޯޓުގެ ދެ ގޮފި ހެދުމަށެވެ. ހައިކޯޓުތަކުގެ ގޮފިތަކުން ކޮންމެ ގޮތްޕެއްގައި ތިން ފަނޑިޔާރުން ބޭތިއްބުމަށް އިސްލާހުގައި ހުށަހަޅުއްވާފައިވެއެވެ. ހައިކޯޓުގެ އިތުރު ދެ ގޮފި ހެދުމަށް ހުށަހަޅުއްވާފައިވަނީ، މެޖިސްޓްރޭޓު ކޯޓުތަކުން އިސްތިއުނާފުކުރާ މައްސަލަތައް ފަސޭހަ ކަމާއެކު ބެލޭނެ އިންތިޒާމު ހަމަޖެއްސުމަށްކަމަށް އިސްލާހުގައި ވިދާޅުވެފައިވެއެވެ.
ނަމަވެސް އެމްޑީޕީން އެ އިސްލާހުން ބަރިއްޔަވުމާ ގުޅިގެން ޝަރީފު ވިދާޅުވެފައިވަނީ އެއިސްލާހު ހުށަހެޅުއްވީ އެއީ ކުރިން އެމްޑީޕީން ތާއީދު ކޮށްފައިވާކަމަކަށްވާތީ ކަމަށެވެ. އެހެން ނަމަވެސް ޕާޓީގެ ޕާލިމެންޓަރީ ގުރޫޕުން ނިންމާ ގޮތަކާ އެއްގޮތަށް އެ އިސްލާހު އަލުން އަނބުރާ ގެންދިއުމަކީވެސް އެކަށީގެންވާ ކަމެއްކަމަށްވެސް ޝަރީފް ވިދާޅުވިއެވެ.
ކިޔުންތެރިންގެ ހިޔާލު