ރައީސް ޔާމީން މޮރިޝަސް ކޮމަރޝަލް ބޭންކުގެ ޑިރެކްޓަރ ބައްދަލު ކުރައްވައިފި
23 ނޮވެމްބަރ 2014 12:49
ރައީސުލްޖުމްހޫރިއްޔާ ޢަބްދުﷲ ޔާމީން ޢަބްދުލްޤައްޔޫމް، މޮރިޝަސް ކޮމަރޝަލް ބޭންކް (އެމް.ސީ.ބީ) ގެ ޑިރެކްޓަރ މިސްޓަރ ރައުލް ގުފްލެޓާ މިއަދު ބައްދަލުކުރައްވައިފި ކަމަށް ރައީސް އޮފީހުން ބުނެފިއެވެ. މި ބައްދަލުކުރެއްވުން އޮތީ މިއަދު މެންދުރުފަހު ރައީސުލްޖުމްހޫރިއްޔާގެ އޮފީހުގައެވެ.
މި ބައްދަލު ކުރެއްވުމުގައި، އެމް.ސީ.ބީ އިން ރާއްޖޭގައި އިންވެސްޓް ކުރާ މިންވަރު އިތުރު ކުރުމަށް ހުރި ފުރުޞަތުތަކާ ބެހޭގޮތުން ރައީސުލްޖުމްހޫރިއްޔާއާއި މިސްޓަރ ރައުލް ގުފްލެޓް މަޝްވަރާ ކުރެއްވިއެވެ. އަދި އިންވެސްޓަރުންނަށް ކުރިމަތިވާ ގޮންޖެހުންތަކާ ބެހޭގޮތުންނާއި، ބޭންކު މެދުވެރިވެގެން ވިޔަފާރީގެ ފުރުޞަތުތައް އިތުރަށް ފުޅާކުރުމަށް ކުރެވެންހުރި ކަންކަމާބެހޭގޮތުން ވެސް ވާހަކަފުޅު ދެއްކެވި ކަމަށް ރައީސް އޮފީހުން ބުނެފައިވެއެވެ.
މިބައްދަލުކުރެއްވުމުގައި، މިނިސްޓަރ އޮފް ޓޫރިޒަމް އަޙުމަދު އަދީބް ޢަބްދުއްޤަފޫރު ބައިވެރިވެވަޑައިގެންނެވި ކަމަށްވެސް ބުނެފައިވެއެވެ.
ކިޔުންތެރިންގެ ހިޔާލު