ފްލައިމީގެ މަތިންދާ ބޯޓެއް އެމަޖެންސީގައި ހުޅުލޭ އެއާޕޯޓަށް ޖައްސައިފި
23 ނޮވެމްބަރ 2014 1:43
ބ. ދަރަވަންދޫން ފުރައިގެން މާލެއަށް އައި ފްލައިމީގެ މަތިންދާ ބޯޓެއް އިމަޖެންސީގައި އިބްރާހީމް ނާސިރު އިންޓަރނޭޝަނަލް އެއާޕޯޓަށް ޖައްސައިފިއެވެ.
ބައެއް މީޑިއާތަކުން ރިޕޯޓު ކޮށްފައިވާ ގޮތުގައި އެ ބޯޓު ހުޅުލޭ އެއާޕޯޓުގައި ޖައްސާފައިވަނީ، ބޯޓުގައި އިން ފަސިންޖަރަކު ދިން އިންޒާރަކާ ގުޅިގެންނެވެ. އެހެން ނަމަވެސް ފުލުހުން އަދި އެކަމަށް ކޮމެންޓެއް ނުކުރެއެވެ.
މިރޭ 12:30 ހާއިރު ބޯޓު ޖެއްސުމާއެކު ސިފައިންނާ ފުލުހުން ވަނީ އެއާޕޯޓުގައި އެމަޖެންސީގައި ހަރަކާތްތެރިވާން ފަށައިފައެވެ. ބޯޓުން މީހުން ބާލާފައިވަނީ ބޯޓު ޖެއްިސިތާ 30 ވަރަކަށް މިނެޓު ފަހުންނެވެ. ބޯޓުގެ ޕަސެންޖަރުންނާ ފުލުހުންވަނީ ސުވާލުކޮށްފައެވެ.
ބޯޓު ޖެއްސުމާއެކު، މުޅި އެއާޕޯޓު ވަނީ ބަންދުކޮށްފައެވެ. އެހެން ކަމުން ރާއްޖޭން ބޭރުންނާ، އެތެރޭގެ ޕްލައިޓުތަކުގެ ޝެޑިއުލަށްވަނީ ބަދަލު އައިސްފައެވެ. އަދި ބައެއް ބޯޓުފަހަރު ހުޅުލޭ އެއާޕޯޓުގައި ނުޖައްސައި އަނބުރާގޮސްފައިވެސް ވެއެވެ.
އެއާޕޯޓުން އަލުން ހުޅުވާފައިވަނީ ބޯޓު ޖެއްސިތާ ގަޑިއެއްހާއިރު ފަހުންނެވެ.
ކިޔުންތެރިންގެ ހިޔާލު