މީޑިއާ ކައުންސިލްގެ މެމްބަރުން އިންތިހާބުކޮށްފި

އައު ދައުރަކަމަށް މީޑިއާ ކައުންސިލްގެ މެމްބަރުން އިންތިހާބު ކޮށްފިއެވެ.

މީޑިއާތަކުން މިހާތަނަށް ހޮވާފައި ވަނީ ވީޓީވީގެ މުހައްމަދު އާސިފް، ދިޓީވީގެ ފަރާތުން ހިދާޔަތުﷲ، ހަވީރުގެ އަހުމަދު ހަމްދޫން، ޓީވީއެމުން ހަފުސީ އަބްދުﷲ، އެޓޯލް ޓީވީން މުހައްމަދު ރަފީއު، އުތުރުޑޮޓްކޮމްގެ މިއުސަމް އައްބާސް އާއި، ދުވަސް ޑޮޑްކޮން އިން ފަރެސް މުހައްމަދު އާމިރެވެ.

މޯލްޑިވްސް މީޑިއާ ކައުންސިލަށް އަލުން މެމްބަރުން ހޮވަން މިއަދު ބޭއްވި އިންތިޚާބުގައި މީޑިއާތަކުން އިންތިޚާބުކުރާ އަށް މަގާމަށް ކަށަވަރުވެފައިވަނީ ހަތް މެމްބަރުންނެވެ. އަށް ވަނަ ފުރުސަތު ލިބޭ މީހަކު ކަނޑައަޅަން އަލުން ވަނީ ވޯޓު ލާން ޖެހިފައިއެވެ. އެކަމަކު އެ ވޯޓުލުން އޮންނާނީ އަންނަ ހަފުތާގައިއެވެ. 

ވޯޓުން އެއްވަރުވީ ވީއެފްއެމްގެ އިމާދު ލަތީފު، ދިވެހިރާއްޖޭގެ އަޑުން ހަސަން ޒިއާއު، ސަންގެ ހުސެން ހަސަން، ސަންގެ އަހުމަދު މުޖުތަބާ، އާއި މީޑިއާ ގްރޫޕްގެ ވީކްލީން ވާދަކުރި އަހުމަދު ރިފާއުއެވެ. 

މީޑިއާ ކައުންސިލަށް އާންމުންގެ ފަރާތުން އިންތިހާބު ކޮށްފައިވާ ހަތްމެމްބަރުންނަކީ، ހ. މައިދާން މުހައްމަދު މުރާދު، މ. މިރުސްގަސްދޮށުގޭ އައިމިނަތު ހަސަން، ސ. މީދޫ ބަހާރުގޭ އަހުމަދު ޒަކީ ނާފިޒް، މއ. ލޫޕިން އަހުމަދު މިޒްމާދު، އަހުމަދު ޝަރީފް ނަފީސް، އަބްދުއްލަތީފް އަހުމަދާއި، މ. މާހިއާ ލީޝާ މުހައްމަދުއެވެ.