ޒުވާނުންގެ ގައުމީ އިނާމް ދެއްވައިފި

ޒުވާނުންގެ ގައުމީ އިނާމް މިރޭ ދެއްވައިފިއެވެ.

މިއިނާމް ދެއްވާފައިވަނީ ރާއްޖޭގެ ޒުވާނުންގެ ދުވަހުގެ މުނާސަބަތުގައި ދަރުބާރުގޭގައި މިރޭ ބޭއްވި ޖަލްސާއެއްގައެވެ.

ޒުވާނުންގެ ޤައުމީ އިިނާމުތައް ދެއްވީ ރައީސުލްޖުމްހޫރިއްޔާ ޢަބްދުﷲ ޔާމީން ޢަބްދުލް ޤައްޔޫމެވެ.

މިދިޔަ އަހަރުގެ ޒުވާނުންގެ އިނާމު ހާސިލް ކުރައްވާފައިވަނީ ބ. ތުޅާދޫ، މަންޒިލް އަންވަރު އިބްރާހީމާއި، މ. ޗާލޮޓް އައިމިނަތު އިސްމާއީލާއި، ވ. ރެޑިއަމްވޭވްސް އައިޝަތު އަފްރާހު މުހައްމަދާއި، ވ. މާލެއުފާ އިސްމާއީލް ހަމީދު (ހައި ރައިޒް އިއްސެ) އާއި ގދ. ގައްދޫ އަތިރީގޭ އަބްދުﷲ އަޒްމީނާއި ހ. ވެހެލި މަރިޔަމް މިރުފަތެވެ.

މީގެއިތުރަށް ގދ. ތިނަދޫ ހިންދޫސް ޖާދުﷲ އިސްމާއިލް (ޖާދު) އާއި މއ. ޝޭޑީކެބިން މުހައްމަދު ފަސީން ރާފިއު އާއި މާލެހިޔާ މުހައްމަދު ހާޝިމް އާއި ރ. އުނގޫފާރު ޖަމިއްޔަތުއް ސައިފްގެ އިތުރަށް ޖާނީ ޖަމިއްޔާއިންވަނީ އިނާމް ހާސިލް ކޮށްފައެވެ. އަދި ސޮސައިޓީ ފޯ ހެލްތު އެޑިއުކޭޝަން (ޝީ) އަށެވެ. އަދި ގދ. ވާދޫ ޖޭމުގޭ، ޢަލީ އަބްދުލްކަރީމަށްވެސް ވަނީ އިނާމު ދެއްވާފައެވެ. މީގެ އިތުރަށް ހދ. މަކުނުދޫ ރޯޒަރީގޭ ޔަޝްފާ އަބްދުލް ޣަނީ އާއި، ރ. މީދޫ އެކުވެރި ކްލަބް ޖަމިއްޔާ އާއި، އެތުލީޓް ހަސަން ސާއިދުވަނީ އިނާމް ހޯދައިފައެވެ.

ރާއްޖޭގެ ގައުމީ ފުޓުބޯޅަ ޓީމުގެ ކެޕްޓަން ޢަލީ އަޝްފާގަށްވެސް ވަނީ ޚާއްސަ އެވޯޑެއް ދެއްވާފައެވެ. އެއީ ޔޫތުމިނިސްޓަރުގެ ޚާއްސަ އެވޯޑެކެވެ. އަޝްފާގުވަނީ މެލޭޝިއާ ފުޓުބޯޅަ ލީގުގައި ކުޅޭ ބިދޭސީ ކުޅުންތެރިންގެ ތެރެެއިން އެންމެ މޮޅު ކުޅުންތެރިޔާގެ މަގާމް މިއަހަރު ހޯދާފައެވެ.