ރިޟްވާން ގެއްލުނު މައްސަލާގައި ފުލުހުންގެ ބެލުމުގެ ދަށުގައިހުރި މީހާ ގޭބަންދަށް ބަދަލުކޮށްފި
16 ނޮވެމްބަރ 2014 15:17
ގެއްލިގެން ހޯދަމުން އަންނަ މިނިވަން ނޫހުގެ ނޫސްވެރިޔާ އަހުމަދު ރިޟްވާންގެ މައްސަލައާ ގުޅިގެން ފުލުހުންގެ ބަންދުގައި ހުރި ހަމަ އެކަނި މީހާ ގޭ ބަންދަށް ބަދަލުކޮށްފިއެވެ.
ފުލުހުންގެ މީޑިއާއިން މިއަދު ބުނީ މިދިޔަ ބުރާސްފަތި ދުވަހު އެމީހާ ގޭ ބަންދަށް ބަދަލުކޮށްފައިވާ ކަމަށެވެ. އެއީ އުމުރުން 24 އަހަރުގެ މީހެއް ކަމަށް ފުލުހުން ބުނެފައިވެއެވެ.
މީގެ ކުރިން ރިޟްވާނު މައްސަލައާ ގުޅުގެން ހައްޔަރު ކުރި ނަމަވެސް މިހާރު ފުލުންގެ ބަންދުގައިހުރި ހަމަ އެކަނި މީހާގެ ބަންދަށް ހަތް ދުވަސް ކޯޓުން ޖަހައިދީފައިވާ އިރު ފަސް ފަހަރެއްގެ މަތީން އޭނާގެ މުއްދަތު ވަނީ އިތުރުކޮށްދީފައެވެ. ނަމަވެސް އޭނާއާ ބެހޭ އިތުރު ތަފްސީލެއް ފުލުހުން ނުދެއެވެ.ރިޟްވާން ގެއްލުނުތާ މިހާތަނަށް ސަތޭކަ އަށް ވުރެ ގިނަ ދުވަސް ވެފައިވާއިރު، އެކަމާބެހޭ މާބޮޑު ތަފްސީލެއް ކަމާބެހޭ ފަރާތްތަކުން ވެސް ހާމަ ކުރަމުން ނުދެއެވެ.
ކިޔުންތެރިންގެ ހިޔާލު