ދަތުރުފަތުރާ ބެހޭ ވައުދު ޕީޕީއެމްއަށް ފުއްދިފައެއް ނުވޭ
15 ނޮވެމްބަރ 2014 14:36
ޑރ.ޝަމްހީދު
ޕީޕީއެމްގެ ސަރުކާރަށް އެއްއަހަރު ފުރުނުއިރުވެސް ދަތުރުފަތުރާބެހޭ ވައުދުގެ އެއްވެސް ކަމެއް މިހާތަނަށް ކުރެވިފައި ނުވާ ކަމަށް އެމްޑީޕީން ބުނެފިއެވެ.
އެމްޑީޕީ އޮފީހުގައި މިއަދު ބޭއްވި ނޫސްވެރިންގެ ބައްދަލުވުމެއްގައި އެޕާޓީގެ ދަތުރުފަތުރާ ބެހޭ ކޮމިޓީގެ މުގައްރިރު ޑރ. އަޙުމަދު ޝަމްހީދު ވިދާޅުވީ ފެރީގެ ނިޒާމު އެއާޕޯޓު ތަކާ ގުޅާލާނެ ކަމަށް ޕީޕީއެމްއިން ވެފައިވާ ވައުދުވެސް ފުދިފައި ނުވާ ކަމަށެވެ. އެއްގަމާއި، ކަނޑާއި، ވައިގެ ދަތުރުފަތުރުގެ ވައުދު ފުރިހަމަ ކުރުމަށް އެއް އަހަރަކީ އެކަށީގެންވާ މުއްދަތެއް ކަމަށްވިޔަސް ސަރުކާރަށް އަހަރު ފުރުނުއިރު އެއްވެސް މަސައްކަތެއް ނުކުރެވިފައިވުމަކީ ވިސްނާލަން ޖެހޭ ކަމެއް ކަމަށްވެސް ވިދާޅުިވިއެވެ.
ޝަމްހީދު ވިދާޅުވީ މިސަރުކާރުގެ މެނިފެސްޓޯގެ 90 އިންސައްތަ ފުރިހަމަ ކުރެވިފައިވާ ކަމަށް ސަރުކާރުންބުނަމުންދާއިރު ދަތުރުފަތުރުގެ އެއްވެސް ކަމެއް ކުރެވިފައި ނުވާ ކަމަށެވެ. ނުހެދިހުރި އެއާޕޯޓުތައް އަވަހަށް ނިންމައިދޭނަމޭ މިސަރުކާރުން ބުނެފައިވިޔަސް އެކަން ފެށިފައި ނުވާކަމަށް ޝަމްހީދު ވިދާޅުވިއެވެ.
ކިޔުންތެރިންގެ ހިޔާލު