ހުޅުމާލެ ޖިމަށް ބައެއް ސާމާނު ހަދިޔާ ކޮށްދިނުމަށް ވަޙީދުއްދީން ނިންމަވައިފި
14 ނޮވެމްބަރ 2014 22:34
ކުރީގެ ނައިބްރައީސް އޮނަރަބްލް މުޙައްމަދު ވަޙީދުއްދީން ހުޅުމާލޭ ޕޮލިސް ސްޓޭޝަނަށް ކުރެއްވި ޒިޔާރަތުގައި ޕޮލިސް ޖިމްގެ މަޢުލޫމާތާއި ފުލުހުންގެ ޚިދުމަތާ ބެހޭ މަޢުލޫމާތު ސާފުކުރައްވަނީ، ފޮޓޯ ހުޅުމާލެ ޕޮލިސް ސްޓޭޝަން
ހުޅުމާލެ ޕޮލިސް ޖިމް ތަރައްޤީ ކުރުމަށް އެތަނަށް ބޭނުންވާ ބައެއް ވަސީލަތް ޤާއިމްކޮށްދެއްވުމަށް ރާއްޖޭގެ ކުރީގެ ނާއިބްރައީސް މުޙައްމަދު ވަޙީދުއްދީން ނިންމަަވައިފިއެވެ.
އެމަނިިކުފާނު މިގޮތަށް ނިންމެވީ ހުޅުމާލެއަށް ކުރެއްވި ޒިޔާރަތެއްގައި ޖިމަށް ވަޑައިގެން އެތަން ބެއްލެވުމަށް ފަހު ކަމަށް ފުލުހުންވަނީ ހާމަކުރައްވާފައެވެ.
އެޖިމްއަށް ޓްރެޑްމިލްއަކާއި އެކްސަސައިޒިން ބައިސްކަލެއް ހަދިޔާ ކުރައްވާނެކަމަށް ވިދާޅުވި ކަމަށް ފުލުހުން ބުނެފައިވެއެވެ.
މީގެ އިތުރަށް އެތަނުގައި އޭސި ހަރުކޮށްދިނުމާއި، ފާޚާނާ މަރާމާތުކޮށްދިނުމާއި، ފަސޭހައިން ޖިމް ސާފުކުރުމަށް ވެކިއުމް ކްލީނަރއެއް ހޯދައިދެއްވާނެ ކަމަށްވެސް ވިދާޅުވި ކަމަށް ފުލުހުން ހާމަކޮށްފައިވެއެވެ.
ހުޅުމާލޭގައި މަސައްކަތްކުރާ ފުލުހުންނަށް ރެކްރިއޭޝަނަލް ވަސީލަތް ގާއިމް ކޮށްދެއްވަން މަސައްކަތްކުރައްވައި މުވައްޒަފުންނަށް ބޭނުންވާ އެހެން ބައެއްކަން ކޮށްދެއްވުމަށް މަސައްކަތްކޮށްދެއްވާނެ ކަމަށްވެސް ވަހީދުއްދީން ވަނީ ވިދާޅުވެފައެވެ.
ކިޔުންތެރިންގެ ހިޔާލު