މަސްތުވާތަކެއްޗާއެކު 9 މީހަކު ފުލުހުންގެ ބެލުމުގެ ދަށަށް ގެންގޮސްފި
13 ނޮވެމްބަރ 2014 20:03
އިންސްޕެކްޓަރ އޮފް ޕޮލިސް އަޙްމަދު ޝިފާން-ފޮޓޯ:ޕޮލިސް
މިމީހުން ފުލުހުންގެ ބެލުމުގެ ދަށަށް ގެނެސްފައިވަނީ މިމަހުގެ 11 ވަނަ ދުވަހު އެއަތޮޅުގައި ފުލުހުން ހިންގި އޮޕަރޭޝަނެއްގައި ކަމަށް ޑްރަގް އެންފޯސްމަންޓް ޑިޕާޓްމަންޓުގެ ހެޑް ޗީފް އިންސްޕެކްޓަރ އޮފް ޕޮލިސް އަޙްމަދު ޝިފާން މިއަދު ވިދާޅުވިއެވެ.
މިމީހުންގެ ތެރޭގައި މަސްތުވާތަކެތީގެ ވިޔަފާރި ފުޅާކޮށް ކުރާ މީހަކާއި ފުލުހަކު ހިމެނޭ ކަމަށްވެސް ޝިފާން ވިދާޅުވިއެވެ.
މި މައްސަލާގައި ހައްޔަރުކޮށްފައިވާ މީހުންގެ ބަންދާމެދު ގޮތެއް ނިންމުމަށްޓަކައި ހިންނަވަރު މެޖިސްޓްރޭޓް ކޯޓަށް ހާޒިރުކުރުމުންވަނީ މިނިސްޓްރީ އޮފް ހޯމް އެފެއާޒުން ކަނޑައަޅާ ތަނެއްގައި ބަންދުގައި ބަހައްޓައިގެން ތަހުޤީޤް ކުރިއަށް ގެންދިޔުމަށް 8 ދުވަހުގެ މުއްދަތެއް ވަނީ ދީފައެވެ.
ޝިފާން ވިދާޅުވީ ޅ.އަތޮޅުގައި މިހާރު ކުރިއަށްދާ އޮޕަރޭޝަންގައި މިހާތަނަށް ހިންނަވަރު 13 ގެއެއް ބަލާ ފާސްކޮށް، މަސްތުވާ ތަކެތި ކަމަށް ޝައްކު ކުރެވޭ އެއްޗެއްހުރި ބުލެޓް ސައިޒުގެ ރަބަރު 16 ޕެކެޓާއި ހެރޮއިން ކަމަށް ބެލެވޭ ބުލެޓް ސައިޒުގެ 241 ޕެކެޓާއި ހޭޝް އޮއިލް ކަމަށް ޝައްކު ކުރެވޭ 145 ޕެކެޓް އަތުލައިގެންފައިވާ ކަމަށެވެ.
މިފަދަ އޮޕަރޭޝަންތައް އެހެން ރަށްރަށުގައިވެސް ހިންގާނެ ކަމަށް ޝިފާން ވިދާޅުވިއެވެ.
ކިޔުންތެރިންގެ ހިޔާލު