އާއިލާއަށް ފިލައިގެން އުޅޭ ކުއްޖަކު ހޯދަން ފަށައިފި

އާއިލާއަށް ފިލައިގެން އުޅޭ 16 އަހަރުގެ އަންހެން ކުއްޖަކު ހޯދުމުގެ މަސައްކަތް ފުލުހުން ފަށައިފިއެވެ.

ފުލުހުން ބުނެފައިވާ ގޮތުގައި ހޯދަމުންދަނީ ގ. ގްރީންބީންސް، ޝިފާ މުޙައްމަދު ކަމަށެވެ. އޭނާ ފިލާފައިވާ ކަމަށްވަނީ މިދިޔަ އޮކްޓޯބަރު މަހުގެ 19 ވަނަ ދުވަހުގެ ވަގުތެއްގައި ކަމަށް އާއިލާގެ ފަރާތުުން ފުލުހުންނަށް މައުލުމާތު ދީފައިވާ ކަމަށްވެސް ފުލުހުންވަނީ ބުނެފައެވެ.

ޝިފާ މުޙައްމަދާ ބެހޭ އެއްވެސް މަޢުލޫމާތެއް ލިބިފައިވާ ފަރާތެއްވާނަމަ އެ މަޢުލޫމާތު މޯލްޑިވްސް ޕޮލިސް ސަރވިސްގެ ހޮޓްލައިން ނަމްބަރު 3322111 އަށް ނުވަތަ ފެމިލޯ އެންޑް ޗައިލް ޕްރޮޓެކްޝަން ޑިޕާޓްމަންޓްގެ ނަމްބަރު 3331510 ނުވަތަ 9790163 އަށް ގުޅުއްވައި މައުލޫމާތު ދެއްވުމަށް ފުލުހުން ވަނީ އެދިފައެވެ.