ޚާރިޖީ ވަޒީރާ ދުންޔާގެ އިތުބާރުނެތް ކަމުގެ ވޯޓެއް ނެގުމަށް މަޖިލީހަށް ވައްދަނީ
10 ނޮވެމްބަރ 2014 18:21
ޚާރިޖީ ވަޒީރު ދުންޔާ މައުމޫން
ޚާރިޖީ ވަޒީރާ ދުންޔާ މައުމޫނުގެ އިތުބާރުނެތް ކަމުގެ ވޯޓެއް ނެގުމަށް މަޖިލީހަށް ވައްދާނެ ކަމަށް އެމްޑީޕީން ބުނެފިއެވެ.
މިއަދު އެޕާޓީގެ ޕަލަމެންޓްރީ ގްރޫޕުން ނޫސްވެރިންނަށް މައުލޫމާތު ދިނުމަށް ބޭއްވި ބައްދަލުވުމުގައި މާފަންނު އުތުރު ދާއިރާގެ މެންބަރު އިމްތިޔާޒް ފަހުމީ ވިދާޅުވީ އެމައްސަލަ މަޖިލީހަށް ވެއްދުމަށް އެޕާޓީން ނިންމާފައިވާ ކަމަށެވެ.
ދުންޔާގެ އިތުބާރުނެތް ކަމުގެ ވޯޓެއް ނެގުމަށް މަޖިލީހަށް ވައްދަނީ މިމަހުގެ 5 ވަނަ ދުވަހު ބޭއްވި މަޖިލިސް ޖަލްސާގައި ދެއްކެވި ވާހަކަތަކާ ގުޅިގެންނެވެ. އެމްޑީޕީން ބުނެފައިވަނީ އެދުވަހު ދުންޔާ ދެއްކެވި ވާހަކަތަކަކީ ދޮގު ކަމަށެވެ.
ސިލްކްރޯޑާ ބެހޭގޮތުން އިންޑިއާއި ޗައިނާ މަޝްވަރާ ކުރެއްވި ކަމަށް ވިދާޅުވިޔަސް އިންޑިއާއިންވަނީ އެކަން ދޮގުކޮށްފައެވެ. މިބައްދަލުވުމުގައި އައްޑޫ މީދޫދާއިރާގެ މެންބަރ ރޮޒައިނާ އާދަމް ވިދާޅުވީ އެކަން ހުށަހަޅަނީ އެގޮތަށް އެފާސްވާނެ ކަމަށް ނޫންކަމަށެވެ. އެކަންކުރަނީ ގާނޫނު ނެގެހެއްޓުމަށް ކަމަށެވެ. އޭނާ ވިދާޅުވީ ޕާޓީއަށްވުރެ ގާނޫނޫ މަތިވާނެ ކަމަށެވެ.
ކިޔުންތެރިންގެ ހިޔާލު