ހޯރަފުށީގެ ނަރުދަމާގެ ނިޒާމުގެ އަމަލީ މަސައްކަތް ރައީސް ފަށްޓަވައި ދެއްވައިފި
4 ނޮވެމްބަރ 2014 18:15
ހއ. ހޯރަފުށީ ނަރުދަމާ ނިޒާމް ގާއިމްކުރުމުގެ އަމަލީ މަސައްކަތް ރައީސް އަބްދުﷲ ޔާމީން މިއަދު މެންދުރުފަހު ރަސްމީކޮށް ފަށްޓަވައިދެއްވައިފިއެވެ.
އެމަނިކުފާނު މި މަސައްކަތް ފަށްޓަވައި ދެއްވީ ހޯރަފުއްޓާއި، ހދ. ކުޅުދުއްފުށްޓަށް މިއަދު ފެއްޓެވި ދަތުރުފުޅެއްގައި ހޯރަފުށްޓަށް ވަޑައިގެންނެވެ.
މިމަޝްރޫޢަކީ އެމްޑަބްލިޔުއެސްސީއާ ހަވާލުކޮށްގެން އެންވަޔަރްމެންޓް މިނިސްޓްރީން ކުރިއަށް ގެންދާ މަޝްރޫއެއް ކަމަށް ރައީސް އޮފީހުންވަނި ބުނެފައެވެ.
މިއަދުގެ ރަސްމިއްޔާތުގައި ވާހަކަފުޅު ދައްކަވަނުން ރައީސް ވިދާޅުވީ ރާއްޖޭގެ ހުރިހާ ރަށެއްގައި ތަރައްގީގެ މަޝްރޫޢުތައް ހިންގަން ސަރުކާރުން ބޭނުންވާ ކަމަށެވެ. މިސަރުކާރުގެ 5 އަހަރު ނިމޭއިރު ރާއްޖޭގެ ރަށްރަށަށް ބޮޑު ކުރިއެރުމެއް ގެނެސް ދެއްވާނެ ކަމަށް އެމަނިކުފާނު ވިދާޅުވިއެވެ.
މިކަމަށްޓަކައި ރައްޔިތުންގެ އެއްބާރުލުމާއި ކެތްތެރިކަން ސަރުކާރަށް ބޭނުންވާ ކަމަށްވެސް ރައީސް ވިދާޅުިވިއެވެ.
ކިޔުންތެރިންގެ ހިޔާލު