ގާނޫނުގައިވާ ގޮތުގެ މަތިންސަރުކާރު ކުރާ އެއްވެސް ކަމެއް ނުފެނޭ: ރައީސް ނަޝީދު
3 ނޮވެމްބަރ 2014 14:20
ގާނޫނުގައިވާ ގޮތުގެ މަތިން މި ސަރުކާރު ކުރާ އެއްވެސް ކަމެއް ނުފެންނަ ކަމަށް ކުރީގެ ރައީސް މުހައްމަދު ނަޝީދު ވިދާޅުވެއްޖެއެވެ.
ސިލްވިއާ އާލް މިޝަން ބްލޫ އެވޯޑާއި ހަވާލުވެވަޑައިގަތުމަށް އެމެރިކާގެ ފްލޮރިޑާ އަށް ފުރާވަޑައިގަތުމުގެ ކުރިން ނޫސްވެރިންނާއި ބައްދަލުކުރައްވައި މިއަދު ރައީސް ނަޝީދު މިއަދު ވިދާޅުވީ، އަންނަ އަހަރަށް ލަފާކުރާ ބަޖެޓް ވެސް ސަރުކާރުން ހުށަހަޅާފައި ވަނީ ގާނޫނުގެ ބޭރުން އެކަމަށް އޮންނަ ދުވަސް ފަހަނައަޅައި ދިޔަފަހުންކަމަށެވެ.
ރައީސް އަބްދުﷲ ޔާމީންގެ ކެބިނެޓުގައި ރިޝްވަތާއި ކޮރަޕްޝަންގެ މައްސަލަތަކަށް ތުހުމަތުކުރެވޭ ވަޒީރުން ތިއްބެވި ކަމަށް އޮޑިޓް ރިޕޯޓުގައި އޮޑިޓަ ޖެނެރަލް ނިޔާޒް އިބްރާހިމް ހާމަކުރެއްވުމަކީ އޭނާ އަށް ހަމަލާދީ، މަގާމު ގެއްލުވާލަން ޖެހޭ ކަމެއް ނޫން ކަމަށް ރައީސް ނަޝީދު ވަނީ ވިދާޅުވެފައެވެ. ސަރުކާރުން ހަމަލާދިން ނަމަވެސް އޮޑިޓަ ޖެނެރަލް މަގާމުގެ މަސްއޫލިއްޔަތު އަދާކުރައްވަން ޖެހިވަޑައިގަންނަވާނެ ކަމަށް ވެސް ރައީސް ނަޝީދު ވަނީ ވިދާޅުވެފައެވެ.
އޮޑިޓަ ޖެނެރަލް ނިޔާޒް އިބްރާހީމް މިދިޔަ ހަފުތާގައި ނެރުއްވާފައިވާ އޮޑިޓް ރިޕޯޓެއްގައިވަނީ، ޑޮލަރު ގަތުމުގެ ނަމުގައި އެމްޕީއެލް އިން 77.1 މިލިއަން ރުފިޔާ އަދި އެމްޓީޑީސީން އެއް މިލިއަން ޑޮލަރުގެ ލޯނެއް ނެގުމަށް ފަހު އެމްއެމްޕީއާރުސީން އަމިއްލަ ދެ ކުންފުންޏަކަށް ދޫކުރުމުގައި ކޮރަޕްޝަން ހިމެނޭ ކަމަށް ތުހުމަތުކުރައްވައިފައެވެ.
އެމުއާމަލާތްތަކުގައި ޓޫރިޒަމް މިނިސްޓަރ އަދީބު ހިމެނި ވަޑައިގަންނަވާކަމަށް ރިޕޯޓުގައި ބުނެފައިވެއެވެ.
ކިޔުންތެރިންގެ ހިޔާލު