ގަން ފޮނަދޫ ސިނާއީ މަގު ހަދަން ބޭނުންކުރާ މެޝިނުތައް ފޮނަދޫއަށް ގެންގޮސްފި

ޗައިނާސަރުކާރުގެ ހިލޭ އެހީގައި ތަރައްގީ ކުރާ ގަމާއި ފޮނަދޫ ގުޅުވައިދޭ ސިނާއީ މަގުގެ ހެދުމައް ބޭނުންކުރާ މެޝިނުތައް ގެންގޮސްފިއެވެ

އެތަކެތި ގެންގޮސްފައިވަނީ ކަނޑު މަގުން އިއްޔެ ހަވީރު އެވެ. ލ.އަތޮޅު ކައުންސިލްއިން ބުނީ އިއްޔެ ހަވީރުގެ ވަގުތެއްގައި ގަމު މަގުހެދުމަށް ބޭނުންވާ މެސިނަރީތައް ފުނަދޫ އަށް ގެނެސްފިކަމަށްށެވެ. މިހާރު ރޯޑް ކޯޕްރޭސަންގެ ބެލުމުގެ ދަށުން މެސިނަރީތައް ރަށަށް އެރުވުމުގެ މަސެއްކެތް ކުރަމުން އަންނަކަމަށެވެ.މަސައްކަތް ނިމޭއިރު މަގުގެ ދިގުމިނުގައި 14.9 ކިލޯ މީޓަރ ، މަގުގެ ފުޅާމިނުގައި 12 މީޓަރ، ސައިޑް ވޯކު ފުޅާމިނުގައި 1.5 މީޓަރ އަދި އެކިއޭޖްވޭ ފުޅާމިނުގައި 3.25 ހުންނާނެ ކަމަށް ހައުސިންއިން ވަނީ ހާމަކޮށްފައެވެ.

ގަމާއި ފޮނަދޫ ގުޅުވައިދޭ ސިނާއީ މަގުގެ ހެދުމަށް ހަވާލުކޮށްފައިވަނީ ޗައިނާގެ ޖިއަންސޫ ޕްރޮވިންޝަލް ޓްރާންސްޕޯޓޭޝަން އިންޖިނިއަރިން ކުންފުންޏާއެވެ.