ސަޙީޙު މުސްލިމްގެ ދިވެހި ތަރުޖަމާގެ 4 ވަނަ ބައި ރައީސް ނަސީދު ނެރުއްވައިފި
31 އޮކްޓޯބަރ 2014 16:52
ސެއިހް ހުސެއިން ރަޝީދު ތަރުޖަމާކޮށްފައިވާ ސަޙީޙު މުސްލިމްގެ ދިވެހި ތަރުޖަމާގެ 4 ވަނަ ބައި ކުރީގެ ރައީސް މުހައްމަދު ނަސީދު ނެރުއްވައި ދީފިއެވެ.
މި ރަސްމިއްޔާތްގެ ސަރަފުވެރި މެހްމާނުގެ ހައސިއްޔަތުން ރައީސް ނަސީދު ދެއްކެވި ވާހަކަ ފުޅު ދައްކަމުން ވިދާޅުވީ ޖިހާދުގެ ނަމުގައި ހަނގުރާމައަށް ދާ ފަރާތްތަކުން ހަމައެކަނި އެބޭފުޅުން ރުހޭ ދަންނަބޭކަލެއް ދައްކާ ވާހަކައަކަށް އެކަނި އަމަލު ނުކުރެއްވުމަށް ގޮވާލައްވައިފިއެވެ.
ޖިހާދަށް ނުވަތަ ހަނގުރާމައަށް ދިޔުމުގެ ކުރީގައި ޝެއިޙް ހުސެއިންގެ ސަޙީޙު މުސްލިމް ފޮތް ކިޔުއްވުމަކީ ވަރަށްވެސް ބޭނުންތެރި ކަމެއްކަމަށް ރައީސް ނަސީދު ވިދާޅުވިއެވެ.
ރައީސް ނަސީދު ވިދާޅުވީ ބޭސްވެރިކަމުގައި މިޒަމާނުގެ ޓެކްނޮލޮޖީ ބޭނުން ކުރުމަކީ ބިދުޢައެއް ނޫން ކަމަށް އެމަނިކުފާނު ވާހަކަދަދެއްކެވެމުން ދީނުން ބޭރުވެފައިވާ ކަމަށް ބައެއް މީހުން ބުނެފައިވާކަމަށްށެވެ. އެހެންނަމަވެސް މިފޮތުން ވަރަށް ސާފުކޮށް ބޭސްވެރިކަމުގައި މިޒަމާނުގެ ޓެކްނޮލޮޖީ ބޭނުން ކުރުމަކީ ބިދުޢައެއް ނޫންކަމަށް އެނގެން އެބައޮތް ކަމަށް ރައީސް ނަޝީދު ވިދާޅުވިއެވެ.
ސަހީހު މުސްލިމްގެ 4 ވަނަ ބައިގެ ޝަރަހައާއި ތަރުޖަމާ ފޮތް ހާއްސަ ހެޔޮއަގެއްގައި ރިސާލާ ބުކްޝޮޕުން ލިބޭނެއެވެ. އަދި މި ޕްރަމޯޝަންގައި ޝަހީހު މުސްލިމް، 1، 2، 3 ގެ ދިވެހި ތަރުޖަމާއާއި ޝަހަރަވެސް ހާއްސަ ހެޔޮއަގެއްގައި ލިބޭނެކަން އެ ހަފުލާގައި ވަނީ އިއުލާނުކޮށްފައެވެ.
ކިޔުންތެރިންގެ ހިޔާލު