ފެންފޯއް ރުއްތައް ކަނޑާލި މައްސަލައާ ފުލުހުންނާ ގުޅުމެއްނެތް- ކޮމިޝަނަރ
29 އޮކްޓޯބަރ 2014 20:24
ސީޕީ ހުސައިން ވަހީދު
މާލޭގެ މަޖީދީ މަގުގައި ސިޓީކައުންސިލުން އިންދާފައި ހުރި ފެންފޯއް ރުއްތައް ކަނޑާލީ ފުލުހުން ކަމަށް ބުނެ، އިދިކޮޅު ސިޔާސީ ފަރާތްތަކުން ދައްކާ ވާހަކައިގައި އެއްވެސް އަސާސެއް ނެތްކަމަށް ކޮމިޝަނަރ އޮފް ޕޮލިސް ޙުސައިން ވަޙީދު ވިދާޅުވެއްޖެއެވެ.
ނޫސްވެރިންނަށް މައުލޫމާތު ދެއްވަމުން އެމަނިކުފާނު މިއަދު ވިދާޅުވީ، ފުލުހުންނަކީ ގައުމުގެ އަމަންކަން ބެލެހެއްޓުމަށް ޒިންމާދާރު ކަމާއެކު މަސައްކަތް ކުރަނުންދާ ބައެއް ކަމަށެވެ. އެފަދަ ކަމެއް ފުލުހުން ނުކުރާނެ ކަމުގެ ފުރިހަމަ ޔަގީންކަން އެބައޮތް ކަމަށް އެމަނިކުފާނު ވިދާޅުވިއެވެ.
ކޮމިޝަނަރ ވިދާޅުވީ ގޭގައި ނިދަން ތިބިބަޔަކަށް އެރޭގެ ކަންކަން ހިނގިގޮތް އެހާތަފްސީލްކޮށް އެނގުމަކީ ހައިރާންވާން ޖެހޭ ކަމެއް ކަމަށެވެ. އެހެން ކަމުން އަފަދަ އަސާސެއްނެތް ވާހަކަ ދެއްކުން ހުއްޓާލުމަށް އެދި ވަޑައިގެންނެވިއެވެ.
ޙުސައިން ވަޙީދު ވިދާޅުވީ ފުލުހުންގެ ބޮލުގައި ދޮގު އިލްޒާމް އަޅުވައިގެން ވާހަކަ ދައްކަމުންދާ ފަރާތްތައް ވަކި ހިސާބަކުން ޖަވާބުދާރީ ކުރުވާނެ ކަމަށެވެ.
ކޮމިޝަނަރ ވިދާޅުވީ ރުއްކަނޑާލިރޭ ފުލުހުންވަނީ މާލޭގައި ވަރަށް ޚާސަ ދެ އޮޕަރޭޝަނެއް ހިންގާފައި ކަމަށެވެ. ނަމަވެސް އެއާބެހޭ ތަފްސީލެއް އެމަނިކުފާނު ނުދެއްވައެވެ.
ރުއްތައްކަނޑާލި މައްސަ ޕޮލިސްއިންޓަރގްރިޓީ ކޮމިޝަނުންދަނީ ބަލަމުންނެވެ. އެކޮމިޝަނުން އެކަންކުރަނީ ހޯމްމިނިސްޓަރުގެ އެދިވަޑައިގެންނެވުމަކަށެވެ. ހޯމްމިނިސްޓަރ ޢުމަރު ނަސީރު ވިދާޅުވެފައިވަނީ އެކަމުގައި ފުލުހުންގެ އަތެއްވާނަމަ އެމީހުންނާ މެދު ފިޔަވަޅު އަޅުއްވާނެ ކަމަށެވެ. ސަރުކާރުން އެފަދަ ކަންކަން ސިއްރުނުކުރާނެ ކަމަށްވެސް ވިދާޅުވިއެވެ.
ކިޔުންތެރިންގެ ހިޔާލު