ކުޑަކުދިންގެ ޙައްޤުތައް ރައްކާތެރިކުރުމާ ބެހޭ ޤާނޫނަށް އިޞްލާޙު ގެނައުމުގެ ބިލު އަނބުރާ މަޖިލިހަށް
26 އޮކްޓޯބަރ 2014 19:25
ކުޑަކުދިންގެ ޙައްޤުތައް ރައްކާތެރިކުރުމާ ބެހޭ ޤާނޫނަށް 1 ވަނަ އިޞްލާޙު ގެނައުމުގެ ބިލު" ރައީސުލްޖުމްހޫރިއްޔާ ޢަބްދުﷲ ޔާމީން ޢަބްދުލްޤައްޔޫމް ތަޞްދީޤު ނުކުރައްވައި، އަލުން މަޖިލީހަށް މިއަދު ފޮނުވައިފި ކަމަށް ރައީސް އޮފީހުން ބުނެފިއެވެ.
އެބިލް އަނބުރާ މަޖިލީހަށް މިއަދު ފޮނުވީ ބިލާމެދު މަޖިލީހުން އަލުން ވިސްނާވަޑައިގަތުމަށެވެ. އެބިލް މަޖިލީހުން ފާސްކުރައްވާފައިވަނީ މިމަހުގެ 14 ވަނަ ދުވަހު ބޭއްވި ރައްޔިތުންގެ މަޖިލީހުގެ ތިންވަނަ ދައުރުގެ 2 ވަނަ ޖަލްސާއިންނެވެ.
އެބިލް ތަޞްދީޤު ކުރެއްވުމަށް ރައީސުލްޖުމްހޫރިއްޔާގެ އަރިހަށް ފޮނުއްވުމުން އެމަނިިކުފާނުވަނީ އެޓަރނީ ޖެނެރަލްގެ ޤާނޫނީ ލަފާ ހޯއްދަވާފައެވެ. އަދި ބިލާ ގުޅޭގޮތުން އެޓަރނީޖެނެރަލް ފާހަގަކުރެއްވި މައްސަލަތަކަށް ތަފްޞީލުކޮށް ބައްލަވާލައްވާފައި ރައީސްވަނީ މަޖިލީހުގެ ރައީސަށް ސިޓީއެއް ފޮނުވާފައެވެ.
އެޓަރނީޖެނެރަލް ފާހަގަކުރައްވާފައިވާ މައްސަލަތަކަށް ރިޢާޔަތް ކުރައްވައި، މިބިލަށް އިޞްލާޙު ގެންނަވަން ފެނިވަޑައިގަންނަވާ ކަމަށް ރައީސުލްޖުމްހޫރިއްޔާ ވިދާޅުވެފައިވެއެވެ.
ކިޔުންތެރިންގެ ހިޔާލު