އޮޑިޓްފާމެއްގެ ތިޖޫރި ފަޅާލި ކަމުގެ ތުހުމަތުގައި 10 މީހަކު ހައްޔަރުކޮށްފި
26 އޮކްޓޯބަރ 2014 14:04
ކުށެއްގެ ތުހުމަތުގައި މީހަކު ފުލުހުންގެ ބެލުމުގެ ދަށަށް ގެންނަނީ: ރޭ މާލޭ އޮފިހަކުން ވައްކަންކުރި ކަމުގެ ތުހުމަތުގައި މީހަކު ވަނީ ހައްޔަރުކޮށްފައި -- ޕޮލިސް ފައިލް ފޮޓޯ
އޮޑިޓްފާމެއް ކަމަށްވާ އަރނެސްޓް އެންޑް ޔަންގް އޮފީހުގެ ތިޖޫރި ފަޅާލައި ވައްކަންކުރި ކަމުގެ ތުހުމަތުގައި 10 މީހަކު ފުލުހުންގެ ބެލުމުގެ ދަށަށް ގެންގޮސްފި ކަމަށް ފުލުހުން ބުނެފިއެވެ.
ގަލޮޅު ޝަފަގް ފުރަތަމަ ފަންފިލާގައި ހުންނަ އެ އޮފީސް ފަޅާލައި ވައްކަންކުރި މީހުން ފުލުހުންގެ ބެލުމުގެ ދަށަށް ގެނެސްފައިވަނީ ރޭ ފަތިހުއެވެ. އެ އޮފީހުން ވައްކަން ކުރަން އުޅޭކަމުގެ މަޢުލޫމާތު ފުލުހުންނަށް ލިބުނީ ރޭ ފަތިހު 05:00 އެހައިކަންހާއިރު އެވެ.
ވައްކަންކުރި މީހުންގެ ތެރެއިން ގިނަ ބަޔަކު ފުލުހުންގެ ބެލުމުގެ ދަށަށް ގެންގޮސްފައިވަނީ އެއޮފީސްހުރި ސަރަހައްދުން ފުލުހުންނަށް ފިލަން ދުވަނިކޮށް ކަމަށްވެސް ފުލުހުންވަނީ ހާމަކޮށްފައެވެ.
ރޭ ހިނގި ވައްކަމުގައި ދިހަ ހާސް ރުފިޔާ ވަގަށް ނަގާފައިވާ ކަމަށް އެ އޮފީހުން ބުނެފައިވެއެވެ.
ހައްޔަރުކުރި މީހުންނާ ސުވާލުކޮށް، ވަގަށް ނަގާފައިވާ ފައިސާ ހޯދުމުގެ މަސައްކަތް ކުރަމުންދާ ކަމަށްވެސް ފުލުހުންވަނީ ބުނެފައެވެ. މިމައްސަލަ ތަހުގީގު ކުރަމުންދާ ކަމަށްވެސް ފުލުހުންވަނީ ބުނެފައެވެ.
ކިޔުންތެރިންގެ ހިޔާލު