ގޭގެއަށްވަދެ ވައްކަން ކުރަމުންދިޔަ ފިރިހެނަކު އަތުލައިގެންފި

ގޭގެއަށް ވަދެ ވައްކަން ކުރަމުން ދިޔަ މީހަކު މިއަދު އަތުލައިގެންފައިވާ ކަމަށް ފުލުހުން ހާމަކޮށްފިއެވެ.

މި މައްސަލާގައި ފުލުހުން އަތުލައިގެންފައިވަނީ ޢުމުރުން 28 އަހަރުގެ ފިރިހެނެއް ކަމަށްވެސް ފުލުހުން ހާމަކޮށްފައިވެއެވެ. ނަަމަވެސް އޭނާގެ ނަމާއި ރަށާއި އަދިވެސް އެފަދަ އެހެން މަޢުލޫމާތެއް ހާމައެއް ނުކުރެއެވެ.

ފުލުހުންގެ ބެލުމުގެ ދަށަށް އޭނާ ގެެނެސްފައިވަނީ ގޭގެ އަށް ވަދެ ވައްކަން ކުރަމުންދާ ކަމަށް އާއްމު ފަރާތަކުން ފުލުހުންނަށް ދިން މައުލޫމާތަކާ ގުޅިގެންނެވެ. އޭނާ ހައްޔަރު ކޮށްފައިވަނީ މިއަދު 12:00 އެހައިކަންހާއިރު ހެންވޭރު ސަހަރާ ކައިރިން ކަމަށްވެސް ފުލުހުން ބުނެފައިވެއެވެ. އޭނާ ފުލުހުންގެ ބެލުމުގެ ދަށަށް ގެނެސް ބަލައިފާސްކުރިއިރު އޭނާގެ އަތުން ވަނީ ފޯނެއް ފެނިފައެވެ. އެއީ ވަގަށް ނަގާފައިވާ އެއްޗެއް ކަމަށް ތުހުމަތު ކުރެވޭ ކަމަށްވެސް ފުލުހުން ބުނެފައިވެއެވެ.

މި މީހަކީ 30 ފަހަރު ހުއްޓުވައި ސުވާލުކޮށް 08 ފަހަރު ފުލުހުންގެ ބެލުމުގެ ދަށަށް ގެންގޮސް 03 ފަހަރު ހައްޔަރު ކޮށްފައިވާ މީހެއް ކަމަށްވެސް ފުލުހުން ބުނެފައިވެއެވެ. އޭނާ އަކީ ވައްކަމުގެ މައްސަލަތަކާއި މަސްތުވާތަކެތީގެ މައްސަލަތަކުގެ ރެކޯޑް އޮއްނަ މީހެއް ކަމަށްވެސް ފުލުހުން ބުނެފައިވެއެވެ.

މި މައްސަލަ މިހާރުދަނީ ތަހުގީގު ކުރަމުން ކަމަށް ފުލުހުން ވަނީ ބުނެފައެވެ.